ବରଗଡ: ଭାତହାଣ୍ଡି ଭାବେ ପରିଚିତ ବରଗଡରେ କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଫସଲବୀମା ଯୋଜନା ଚାଷୀଙ୍କ ପାଇଁ କିଛିଟା ଆଶ୍ଵସ୍ତି ଆଣିଛି । କିନ୍ତୁ ବରଗଡ ଜିଲ୍ଲା ସୋହେଲା ବ୍ଲକରେ ଗତ ୨୦୧୬ ମସିହାରେ ଖରିପ ଫସଲରେ ଅନାବୃଷ୍ଟି ଜନିତ ହୋଇଥିବା ଧାନ ଚାଷର କ୍ଷତିପୂରଣ ୧୩ ଗୋଟି ପଞ୍ଚାଯତର ଚାଷୀ ମାନେ ପାଇନାହାନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ଚାଷୀଙ୍କ ବହୁ ଗୁହାରି ଓ ଅଭିଯୋଗ ପରେ ବୀମା କମ୍ପାନୀ ଓ ଜିଲ୍ଲାପ୍ରଶାସନ ଶୁଣିନଥିଲେ । ତେବେ ସୋହେଲା ବ୍ଲକ୍ର ୫ଟି ପଞ୍ଚାଯତର ୧୬୦୦ ଚାଷୀ ବାଧ୍ୟ ହୋଇ ଆଇନର ଆଶ୍ରୟ ନେଇଥିଲେ ଓ ଉଚ୍ଚ ନ୍ୟାୟାଳୟକୁ ଯାଇଥିଲେ |
ଚାଷୀ ନ୍ୟାୟ ପାଇଁ ସଠିକ ଭାବେ ତଦନ୍ତ କରି କ୍ଷତିପୂରଣ ସେ ସମୟର ବୀମା କମ୍ପାନୀଠାରୁ ଆଦାୟ କରିବା ପାଇଁ ମାନ୍ୟବର ଉଚ୍ଚନ୍ୟାୟାଳୟ ବରଗଡ ଜିଲ୍ଲାପାଳ ଇନ୍ଦ୍ରମଣି ତ୍ରିପାଠୀଙ୍କୁ ଆଦେଶ ଦେଇଛନ୍ତି ।