ବରଗଡ: ଡ଼ଭା ସମବାୟ ସମିତିର ବ୍ୟାପକ ଦୁର୍ନୀତି ହୋଇଥିବା ବେଳେ ପୂର୍ବରୁ ଦୁର୍ନୀତି ବିରୋଧରେ ସ୍ବର ଉଠାଯାଇଥିଲା । ଏହାସହ ନୂତନ ସମ୍ପାଦକ ନିଯୁକ୍ତି ଦାବିରେ ଆଞ୍ଚଳିକ କୃଷକ ସଙ୍ଗଠନ ପକ୍ଷରୁ ଗତ ୨୦୧୮ ମସିହା ୨୯ ଅଗଷ୍ଟରେ ଆନ୍ଦୋଳନ ମଧ୍ୟ କରାଯାଇଥିଲା । ଏବେ ସୁଦ୍ଧା ଏହାର କୌଣସି ସୁଫଳ ମିଳିପାରି ନଥିବାରୁ ଆମରଣ ଅନଶନରେ ବସିଛନ୍ତି 21 ଜଣ ଚାଷୀ ।
ପ୍ରତାରଣାରେ ପ୍ରତିଶ୍ରୁତି, ଆମରଣ ଅନଶନରେ ବସିଲେ 21 ଚାଷୀ
ସଠିକ କାର୍ଯାନୁଷ୍ଠାନ ଗ୍ରହଣ କରିବାକୁ ବିଭାଗୀୟ ଅଧିକାରୀ ଦେଇଥିଲେ ଲିଖିତ ପ୍ରତିଶ୍ରୁତି । କିନ୍ତୁ ତାହା ଆଜି ମଧ୍ୟ ପୂରଣ ହୋଇପାରିନାହିଁ । ଏହାରି ମଧ୍ୟରେ ଏକ ବର୍ଷ ବିତିଯାଇଛି ହେଲେ ପ୍ରତିଶ୍ରୁତି ପ୍ରତାରଣାରେ ପରିଣତ ହୋଇଛି । ଫଳରେ ଡ଼ଭା ଅଞ୍ଚଳର ୨୧ ଜଣ ଚାଷୀ ବରଗଡ଼ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଛନ୍ତି ।