ବରଗଡ଼: ଗୁରୁବାର ଦ୍ବିତୀୟ ପର୍ଯ୍ୟାୟ ନିର୍ବାଚନ ଥିବାବେଳେ ବରଗଡ଼ ଜିଲ୍ଲାର ବିଭିନ୍ନ ସ୍ଥାନରେ ଇଭିଏମ ମେସିନ ଗୁଡ଼ିକରେ ତ୍ରୁଟି ଯୋଗୁଁ ବହୁସ୍ଥାନରେ ମତସଂଗ୍ରହ କରାଯାଇ ପାରିନଥିଲା । ଯାହାକୁ ନେଇ ନିର୍ବାଚନ କମିଶନ ପକ୍ଷରୁ ବରଗଡ ଓ ଅତାବିରା ବିଧାନସଭାର ଦୁଇଟି ବୁଥରେ ସାନି ମତଦାନ କରାଯିବାର ଘୋଷଣା କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ତେବେ ଇଭିଏମ ମେସିନ ଖରାପ ହେବାପରେ ଅନ୍ୟ ମେସିନକୁ ଭୁଲ ସଂଯୋଗୀକରଣ କରାଯାଇଥିବା କାରଣରୁ ମେସିନ ଗୁଡ଼ିକରେ ତ୍ରୁଟି ଦେଖାଯାଇଥିଲା ଓ ମତଦାନ ପ୍ରକ୍ରିୟା ସମ୍ପୂର୍ଣ୍ଣ ବନ୍ଦ ହୋଇଥିଲା । ଯେଉଁଥିପାଇଁ ଭୁବନେଶ୍ୱର ସିଇଓଙ୍କ ଆଦେଶ କ୍ରମେ ବରଗଡ଼ ଜିଲ୍ଲା ନିର୍ବାଚନ ଅଧିକାରୀ 6 ଜଣ କର୍ମଚରୀଙ୍କୁ ନିଲମ୍ବିତ କରିଥିବା ସୂଚନା ମିଳିଛି । ନିଲମ୍ବିତ ସମସ୍ତ କର୍ମଚାରୀ ପ୍ରିଜାଇଡିଂ ଅଫିସର ଓ ସେକ୍ଟର ଅଫିସର ଥିବା ସୂଚନା ମିଳିଛି ।