ବରଗଡ଼: ଚାଷୀଙ୍କ ମୁହଁରୁ ହଜିଯାଇଛି ହସ । ମୌସୁମୀ ଆସି ଅସରାଏ ବର୍ଷିଦେଇ ଚାଲିଯାଇଛି ଯେ ଆଉ ଦେଖାନାହିଁ । ମୌସୁମୀର ପ୍ରଥମ ବର୍ଷାରେ ଚାଷୀ ଖୁସିରେ ତା ବିଲରେ ଚାଷକାମ ଆରମ୍ଭ କରିଦେଇଥିଲା । ହେଲେ ମୌସୁମୀ ହଜିଯିବା ସାଙ୍ଗକୁ ଚାଷୀ ମୁହଁରୁ ମଧ୍ୟ ହଜିଯାଇଛି ହଶ ଏବଂ ବର୍ଷା ଆଶାରେ ଅନାଇ ରହିଛି ଆକାଶକୁ ।
ଭିଡିଓ ସୌଜନ୍ୟ : ସମ୍ବାଦଦାତା,ବରଗଡ
ଆକାଶରେ ନା ମେଘ ଅଛି ନା ଅଛି ବର୍ଷା ଫଳରେ ଚାଷୀର ଫସଲ ଉଜୁଡିବସିଲାଣି । ବରଗଡ଼ ଜିଲ୍ଲାର ବହୁ ସ୍ଥାନରେ ମରୁଡ଼ି ପରିସ୍ଥିତି ଉପୁଜିଲାଣି । ଶ୍ରାବଣ ମାସରେ ମାଟି ଫାଟି ଆଁ କରିବାକୁ ଲାଗିଲାଣି । ଧାନ ତଳି ସବୁ ବର୍ଷା ଅଭାବରେ ମରିଗଲାଣି । ପଦ୍ମପୁର , ପାଇକମାଲ , ଗାଇସିଲେଟ , ସୋହେଲା ଓ ଭଟଲି ବ୍ଲକର ବହୁ ଅଞ୍ଚଳରେ ଏପରି ପରିସ୍ଥିତି ଉପୁଜିଲାଣି ।