ବରଗଡ: ଗଛରେ ରଶି ଲଗାଇ ପ୍ରଧାନ ଶିକ୍ଷକଙ୍କ ଆତ୍ମହତ୍ୟା । ଏଭଳି ଘଟଣା ଦେଖିବାକୁ ମିଳିଛି ବରଗଡ଼ ଜିଲ୍ଲା ଅମ୍ଭାଭୋନା ଥାନା ଅନ୍ତର୍ଗତ କୁଠାରପାଲି ଗ୍ରାମରେ । ସୂଚନାନୁସାରେ ମୃତ ବ୍ୟକ୍ତି ଜଣକ ହେଉଛନ୍ତି ପ୍ରହ୍ଲାଦ ଦାସ । ସେ ତାଙ୍କର ଚାକିରୀ କାଳରେ ଅମ୍ଭାଭୋନା ୟୁପି ସ୍କୁଲରେ ଦୀର୍ଘ ୨୨ବର୍ଷ ଧରି ଶିକ୍ଷକତା କରିଥିବା ବେଳେ ବର୍ତ୍ତମାନ ସେ ବୁଢିପାଲି ୟୁପି ସ୍କୁଲରେ ପ୍ରଧାନ ଶିକ୍ଷକ ଭାବରେ କାର୍ଯ୍ୟରତ ଥିଲେ । ତା ସହିତ ଭଳିବଲ ଖେଳାଳି ଓ କୋଚ ଭାବେ ଅଞ୍ଚଳରେ ବେଶ୍ ଜଣାଶୁଣା ଥିଲେ ।
ଗଛରୁ ପ୍ରଧାନ ଶିକ୍ଷକଙ୍କ ଝୁଲନ୍ତା ମୃତଦେହ ଉଦ୍ଧାର, ଚାପଗ୍ରସ୍ତ ହୋଇ ଆତ୍ମହତ୍ୟା ସନ୍ଦେହ
ଆଜି (ବୁଧବାର) ତାଙ୍କ ଘର ଠାରୁ ୫୦୦ ମିଟର ଦୂରରେ ଥିବା ଏକ କୁମ୍ବୀ ଗଛରେ ପ୍ରହ୍ଲାଦଙ୍କ ମୃତଦେହ ଝୁଲୁଥିବା ଦେଖିବାକୁ ମିଳିଥିଲା । ତେବେ ସ୍ଥାନୀୟ ବାସିନ୍ଦାଙ୍କ ଠାରୁ ଖବର ପାଇ ଅମ୍ଭାଭୋନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଅଧିକ ତଦନ୍ତ ଆରମ୍ଭ କରିଛି ।