ବରଗଡ: ମଣିଷତ୍ୱ ହରାଇ ବସିଲା ପଦ୍ମପୁର ପ୍ରଶାସନ । କରୋନାରେ ମୃତ୍ୟୁପରେ ମୃତଦେହ ପାଖ ମାଡୁନି ପଦ୍ମପୁର ପ୍ରଶାସନ । ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ସରକାରୀ କଳର କର୍ମଚାରୀଙ୍କ ଅବହେଳା ଏବଂ ଅମଣିଷତ୍ଵ ଚରମ ସୀମା ଆଜି ପଦାରେ ପଡିଛି । ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ମେଳଛାମୁଣ୍ଡା ଥାନା ଅନ୍ତର୍ଗତ ଘନାମାଳ ଗ୍ରାମରେ ଦେଖିବାକୁ ମିଳିଛି ଏପରି ଅଭାବନୀୟ ଘଟଣା ।
ପ୍ରଶାସନ ପାଇଁ ଅଲୋଡା ହେଲା କୋଭିଡ ଆକ୍ରାନ୍ତଙ୍କ ମୃତଦେହ, ସତ୍କାର ପାଇଁ ଅଣ୍ଟା ଭିଡିଲେ ସ୍ବେଚ୍ଛାସେବୀ
ଗ୍ରାମର ଗୋଟିଏ ପରିବାରରେ 8 ଦିନ ମଧ୍ୟରେ ଦୁଇ ଜଣଙ୍କର ମୃତ୍ୟୁ ହୋଇଛି । ଗତ ୮ ଦିନ ତଳେ ୩୬ ବର୍ଷର ପୁଅକୁ କରୋନାରେ ହରାଇଥିବାବେଳେ ଏବେ ୬୭ ବର୍ଷର ବାପାଙ୍କର ମଧ୍ୟ ମୃତ୍ୟୁ ହୋଇଛି କାରୋନାରେ । ତେବେ ମୃତଦେହ ସଂସ୍କାର କରିବା ପାଇଁ ସହାୟତାର ହାତ ବଢାଇ ନାହିଁ ପ୍ରଶାସନ । ପଡୋଶୀ ମଧ୍ୟ ଏହି ଘଟଣାରେ ଭୟରେ ମୃତଦେହ ପାଖ ମାଡି ନଥିବା ଦେଖିବାକୁ ମିଳିଥିଲା । ପରେ ଜିଲ୍ଲାର ଦୁଇଟି ସ୍ବେଚ୍ଛାସେବୀ ସଂଗଠନର ସହାୟତାରେ ମୃତଦେହ ସଂସ୍କାର ହୋଇଛି ।