ବରଗଡ: ବରଗଡ ଜିଲ୍ଲା ବରପାଲି ଥାନା ଅନ୍ତର୍ଗତ ମହଦା ନିକଟରେ ଥିବା ରାଞ୍ଜ ନଦୀରେ ଜଣେ ଯୁବତୀଙ୍କ ମୃତଦେହକୁ ଉଦ୍ଧାର କରାଯାଇଛି । ଉଦ୍ଧାର ମୃତଦେହର ଆଜି ବରଗଡ ଟାଉନସ୍ଥିତ ପୁରୁଣା ଡାକ୍ତରଖାନାରେ ଶବ ବ୍ୟବଚ୍ଛେଦ କରାଯାଇଛି । ଯୁବତୀ ଜଣଙ୍କର ଶରୀରରେ ବିଭିନ୍ନ ସ୍ଥାନରେ କ୍ଷତବିକ୍ଷତ ଚିହ୍ନ ରହିଥିବାବେଳେ ବେକକୁ କଟାଯାଇ ଯୁବତୀଙ୍କୁ ହତ୍ୟା କରାଯାଇଥିବା ସ୍ପଷ୍ଟ ବାରିହେଉଛି । ତେବେ ପ୍ରେମ ବ୍ୟାପାରକୁ ନେଇ ପ୍ରେମିକାକୁ ହତ୍ୟା କରାଯାଇଥିବା ପୋଲିସ ସନ୍ଦେହ କରିଛି ।
ଯୁବତୀଙ୍କ ମୃତଦେହ ଉଦ୍ଧାର, ହତ୍ୟା ମାମଲା ରୁଜୁ କରି ପୋଲିସର ତଦନ୍ତ ଜାରି
ସୂଚନା ଅନୁଯାୟୀ ମୃତ ଯୁବତୀ ଜଣକ ବରପାଲି ଥାନା ତେଜଙ୍ଗ ଗାଁର ହୋଇଥିବାବେଳେ ସେ ଘରେ ପରୀକ୍ଷା ଦେବାକୁ ଯାଉଥିବା କହି ଘରୁ ଆସିଥିଲେ। ମାତ୍ର ମହଦା ନିକଟରେ ଥିବା ରାଞ୍ଜ ନଦୀରେ ଯୁବତୀଙ୍କ ମୃତଦେହ ମିଳିଥିଲା । ଏହା ଏକ ସୁଚିନ୍ତିତ ପ୍ରେମ ଜନିତ ହତ୍ୟାକାଣ୍ଡ ଏବଂ ହତ୍ୟା କରିବା ପରେ ପ୍ରେମିକ ଓ ଅନ୍ୟ କେତେକ ଯୁବକ ଫେରାର ହୋଇଯାଇଥିବା ଅନୁମାନ କରାଯାଉଥିବା ବରପାଲି ଆଇଆଇସି ସୂଚନା ଦେଇଛନ୍ତି।