ବରଗଡ ମହିଳା ଆୟୁଷ ଡାକ୍ତରଙ୍କ ପ୍ରଶଂସାରେ ମୁଖ୍ୟମନ୍ତ୍ରୀ, ଜବାବରେ ଧନ୍ୟବାଦ ଜଣାଇଲେ ଲୋଟସ

ବରଗଡର ଆୟୁଷ ଡାକ୍ତର ତଥା ଦାୟିତ୍ବବାନ କୋଭିଡ ଯୋଦ୍ଧା ଡାକ୍ତର ଲୋଟସ ମିଶ୍ର । ଯାହାକୁ ନେଇ ଟ୍ବିଟ ଯୋଗେ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଉ ଏହାର ଜବାବରେ ଡାକ୍ତରାଣୀ ଲୋଟସ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ଅଧିକ ପଢନ୍ତୁ...

ବରଗଡ: ସାରା ଦେଶ କୋରୋନାକୁ ନେଇ ଭୟଭୀତ ଥିବାବେଳେ ଡାକ୍ତର,ସ୍ବାସ୍ଥ୍ୟକର୍ମୀ ଓ ଅନ୍ୟ କୋଭିଡ ଯୋଦ୍ଧା ନିରନ୍ତର ଲୋକଙ୍କୁ ସେବା ଯୋଗାଇବାରେ ଲାଗିଛନ୍ତି । ଏମିତି ସ୍ଥିତିରେ ସେମାନଙ୍କ ନିସ୍ବାର୍ଥ ତ୍ୟାଗ ବାସ୍ତବରେ ପ୍ରଶଂସନୀୟ । ଆଉ ଏମିତି କିଛି କାମ କରି ମୁଖ୍ୟମନ୍ତ୍ରୀଙ୍କ ପ୍ରଶଂସା ସାଉଣ୍ଟିଛନ୍ତି ବରଗଡର ଆୟୁଷ ଡାକ୍ତର ତଥା ଦାୟିତ୍ବବାନ କୋଭିଡ ଯୋଦ୍ଧା ଡାକ୍ତର ଲୋଟସ ମିଶ୍ର । ଟ୍ବିଟ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମହିଳା କୋରୋନା ଯୋଦ୍ଧାଙ୍କ ପ୍ରଶଂସା କରିଛନ୍ତି ।

ବରଗଡ଼ କଟାପାଲି ଗ୍ରାମରେ କୋରୋନା ସଂକ୍ରମଣ ଅସମ୍ଭାଳ ହୋଇପଡିଥିବା ବେଳେ ମହାମାରୀ ସମୟରେ କଟାପାଲି ସିଏଚସିରେ କାର୍ଯ୍ୟରତ ଆୟୁଷ ଡାକ୍ତର ଲୋଟସ ମିଶ୍ରଙ୍କ ଜନସେବା କରି ଚାଲିଥିଲେ । ଫଳରେ ସେ ମଧ୍ୟ କୋରୋନା ସଂକ୍ରମିତ ହୋଇଥିଲେ । ଏବେ ସେ କୋରୋନା ସହ ଲଢି ଏହି ଯୁଦ୍ଧରେ ବିଜୟୀ ହୋଇଛନ୍ତି । ଆଉ ପୁନଶ୍ଚ ନିଜ କାର୍ଯ୍ୟରେ ଯୋଗଦାନ କରିଛନ୍ତି ।

ହଟସ୍ପଟ ଅଞ୍ଚଳରେ ନିଜର ଏକମାତ୍ର ଶିଶୁକୁ ଛାଡି ଜନସେବା କରିବା ବାସ୍ତବରେ ପ୍ରଶଂସନୀୟ କାର୍ଯ୍ୟ । ଆଉ ତାଙ୍କ ସମର୍ପିତ କାର୍ଯ୍ୟକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା କରିବା ପରେ ଏନେଇ ସେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ଯେ, ମୁଖ୍ୟମନ୍ତ୍ରୀଙ୍କ ଦୂରଦୃଷ୍ଟି ପାଇଁ ଆଜି ସେ ଦାୟିତ୍ୱ ସହ କାର୍ଯ୍ୟ ତୁଳାଇପାରିଛନ୍ତି । ଏଥିସହ କଟାପାଲି ସିଏଚସିର ସମସ୍ତ କର୍ମଚାରୀ ସହଯୋଗରେ ହିଁ ଏହି ସଫଳତା ପାଇପାରିଛନ୍ତି ।

ବରଗଡରୁ ରାଜେଶ ସରାପ, ଇଟିଭି ଭାରତ