ବରଗଡ: ଅସୁରକ୍ଷିତ ବରଗଡ ଜିଲ୍ଲାର ଚାରପାଳି ଅଙ୍ଗନବାଡି କେନ୍ଦ୍ର । ଛାତରୁ ଖସୁଛି କଂକ୍ରିଟ । ବିପଦ ସଙ୍କୁଳ ଅବସ୍ଥାରେ ପାଠ ପଢୁଛନ୍ତି କୁନି କୁନି ଛାତ୍ରଛାତ୍ରୀ । କେତେବେଳେ ବି ଘଟିପାରେ ବଡ ଧରଣର ଅଘଟଣ । ଯାହାକୁ ନେଇ ଚିନ୍ତାରେ ଉଭୟ କର୍ମୀ ଓ ଅଭିଭାବକ ।
ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ବରିକେଳ ପଞ୍ଚାୟତରେ ଥିବା ଚରପାଳି ଅଙ୍ଗନବାଡି କେନ୍ଦ୍ର ବିପଦ ସଙ୍କୁଳ ଅବସ୍ଥାରେ । ଛାତରୁ କଂକ୍ରିଟ ଖସୁଛି । ଏପରିକି ଅନେକ ସମୟରେ ଛାତ୍ରଛାତ୍ରୀ ଆହତ ହୋଇଛନ୍ତି । ଫଳରେ ବାଧ୍ୟ ହୋଇ ବାରଣ୍ଡାରେ ପାଠ ପଢୁଛନ୍ତି ପିଲା । କୋଠା ମରାମତି ପାଇଁ ବାରମ୍ବାର ଅଭିଯୋଗ ମଧ୍ୟ ହୋଇଛି ହେଲେ ଫଳ ଶୂନ । ଅନ୍ୟପଟେ ଏହାର ମରାମତି କାମ ପାଇଁ ଖର୍ଚ୍ଚ ରାଶି ଆସିଯାଇଥିଲେ ମଧ୍ୟ କାମ ହେଉନଥିବା ସ୍ଥାନୀୟ ଲୋକେ ଅଭିଯୋଗ ଆଣିଛନ୍ତି |
ବରଗଡରୁ ରାଜେଶ ସରାପ, ଇଟିଭି ଭାରତ
