ବରଗଡ଼: ଜିଲ୍ଲାରେ ଯୁବକଙ୍କୁ ତଣ୍ଟି କାଟି ହତ୍ୟା କରାଯାଇଥିବା ଘଟଣାର ପର୍ଦ୍ଦାଫାସ କଲା ପୋଲିସ । 48 ଘଣ୍ଟା ଭିତରେ ହତ୍ୟାକାଣ୍ଡ ଘଟାଇଥିବା ଦୁଇ ଅପରାଧିଙ୍କୁ କାବୁ କଲା ବରଗଡ଼ ଟାଉନ ଥାନା ପୋଲିସ । ଗତ ୨୮ ତାରିଖ ରାତିରେ ଅତାବିରାର ଯୁବକ ଏମଡ଼ି କାସିମଙ୍କୁ ଅମ୍ବାପାଲି ବଞ୍ଜାରି ନାଳା ନିକଟ ପଡ଼ିଆରେ ଗଳା କାଟି ହତ୍ୟା କରାଯାଇଥିଲା । ଏନେଇ ଅଭିଯୋଗ ପରେ ଟାଉନ ଥାନା ପୋଲିସ ତତ୍ପରତା ଦେଖାଇ ତଦନ୍ତ ଆରମ୍ଭ କରି ଗତକାଲି ୨ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ବରଗଡ଼ ଟାଉନ ପୋଲିସକୁ ସଫଳତା, ଯୁବକଙ୍କୁ ହତ୍ୟା ଘଟଣାରେ ୨ଜଣଙ୍କୁ ଗିରଫ କଲା ପୋଲିସ
ଗତକାଲି ବରଗଡ଼ ଏସଡ଼ିପିଓ ଅଫିସରେ ପୋଲିସ ବିଭାଗ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ବିଳନୀରେ ହତ୍ୟାକାଣ୍ଡ ଘଟଣାର ପର୍ଦ୍ଦାଫାସ ନେଇ ସୂଚନା ଦିଆଯାଇଥିଲା । ଗିରଫ ୨ ଅଭିଯୁକ୍ତ ହେଉଛନ୍ତି ବରଗଡ଼ 2 ନମ୍ବର ୱାର୍ଡ଼ PHD ପଡ଼ାର ଟଙ୍କ ବାଗ ଏବଂ ଅନ୍ୟ ଜଣକ ଧାଙ୍ଗେର ଗ୍ରାମର ନରେନ୍ଦ୍ର ଭୋସାଗର ହୋଇଥିବା ପୋଲିସ ସୂଚନା ଦେଇଥିଲା ।