ବରଗଡ:ବରଗଡ ପୋଲିସକୁ ସଫଳତା । ପୋଲିସ ପଞ୍ଝାରେ ସାଇବର ଠକ । ଇଣ୍ଟରନେଟ ହ୍ୟାକିଂ ଜରିଆରେ ବିଭିନ୍ନ ହିତାଧିକାରୀଙ୍କ ଆକାଉଣ୍ଟରୁ 20 ଲକ୍ଷ ଟଙ୍କାରୁ ଅଧିକ ଅର୍ଥ ଆତ୍ମସାତ କରିଥିବା ଜଣେ ସାଇବର ଅପରାଧୀକୁ କାବୁ କରିବାରେ ସଫଳ ହୋଇଛି ବରଗଡ ପୋଲିସ ।
ପୋଲିସ ପଞ୍ଝାରେ ସାଇବର ଠକ
ୱେବ ସାଇଟ ହ୍ୟାକ କରି ଇଣ୍ଟରନେଟ ଜରିଆରେ ଦୁର୍ବୃତ୍ତ ଜଣକ ଦୀର୍ଘ ଦିନରୁ ହିତାଧିକାରୀଙ୍କ ଜମା ଖାତାରୁ ଟଙ୍କା ଆତ୍ମସାତ କରିବାରେ ଲାଗିଥିଲା । ଏନେଇ ବ୍ୟାଙ୍କ କର୍ମଚାରୀଙ୍କୁ ଲୋକମାନେ ଅଭିଯୋଗ କରିଥିଲେ । ଅଭିଯୋଗ ପରେ ବି ବ୍ୟାଙ୍କ କର୍ମଚାରୀ ଥାନାରେ କୌଣସି ଲିଖିତ ଅଭିଯୋଗ କରିନଥିବା ପୋଲିସ ପକ୍ଷରୁ ସୂଚନା ମିଳିଛି । ଲୋକଙ୍କ ଅଭିଯୋଗ କ୍ରମେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା ।