ବରଗଡ଼: ଚୀନରୁ ଆରମ୍ଭ ହୋଇଥିବା କୋରୋନା ଭାଇରସର ଆତଙ୍କ ଏବେ ସାରାବିଶ୍ବକୁ ଭୟଭୀତ କରି ରଖିଛି। ସରକାର ଏହାର ମୁକାବିଲା ପାଇଁ ସମସ୍ତଙ୍କୁ ସଚେତନ ହେବାକୁ ନିବେଦନ କରିବା ସହ ମାସ୍କକୁ ବାଧ୍ୟତାମୂଳକ କରିଛନ୍ତି । କିନ୍ତୁ କିଛି ଲୋକ ଏହାକୁ ଅନୁସରଣ କରୁଥିବା ବେଳେ କିଛି ଅମାନ୍ୟ କରୁଥିବା ବେଖିବାକୁ ମିଳିଛି । କୋରୋନା ପାଇଁ ହୋଇଥିବା ଲକଡାଉନରେ ଯାନବାହନ ଚଳାଚଳ ଟିକେ କୋହଳ ହେଲା ବେଳକୁ ମାସ୍କ ପାଇଁ ବରଗଡ଼ ଛକରେ ପୋଲିସର ଚେକିଙ୍ଗ ଏବେ ଜୋରଦାର ଚାଲିଛି ।
ମାସ୍କ ନପିନ୍ଧିଲେ ଦେବାକୁ ପଡୁଛି 200 ଟଙ୍କା ଜୋରିମନା
ହେଲମେଟ ପିନ୍ଧିଥିଲେ ମଧ୍ୟ ମାସ୍କ ଲଗାଇନଥିଲେ ଦେବାକୁ ପଡୁଛି 200 ଟଙ୍କା ଜୋରିମାନା । ଯାହାକୁ ନେଇ ଏବେ ଲୋକଙ୍କ ମଧ୍ୟରେ ହେଲମେଟ ଅପେକ୍ଷା ମାସ୍କ ଭୟ ଅଧିକ ଦେଖାଯାଉଛି । ସାଇକେଲରେ ହେଉ ବା ଚାଲିଚାଲି, ଘରୁ ବାହାରିବା ମାତ୍ରେ ମାସ୍କ ନ ପିନ୍ଧିଥିଲେ ହେବାକୁ ପଡ଼ୁଛି ଫାଇନ ।