ବରଗଡ଼: ରେଲୱେ ଷ୍ଟେସନରେ ଘଟିଛି ଏକ ଅଭାବନୀୟ ଘଟଣା। । ଛୋଟ କଥାକୁ ନେଇ ବଡ଼ କାଣ୍ଡ । ଘଟଣାରେ ଚାରିଜଣ ଯୁବକ 4 ଜଣ ମହିଳାଙ୍କ ସମେତ ଜଣେ ଗର୍ଭବତୀ ମହିଳାଙ୍କୁ ସଙ୍ଘବଦ୍ଧ ଆକ୍ରମଣ କରିଥିବା ଅଭିଯୋଗ ଥାନାରେ ପହଞ୍ଚିଛି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ବରଗଡ଼
ସୂଚନା ଅନୁଯାୟୀ ସୋମବାର ରାତି ପ୍ରାୟ୧୧ ଟା ୧୫ ମିନିଟ ସମୟରେ କୁରଲା ଭୁବନେଶ୍ବର ଏଲଟିଟି ଟ୍ରେନରେ ମୁମ୍ବାଇରୁ ବରଗଡ଼ ଆସିଥିଲେ ଭଟଲିର ସମୀର ଅଲ୍ଲୀ ଖାଁଙ୍କ ସମ୍ପର୍କୀୟ । ସମୀର ନିଜ ପରିବାରର ମହିଳା ମାନଙ୍କ ସହିତ ସେମାନଙ୍କୁ ନେବାପାଇଁ ପହଞ୍ଚିଥିଲେ ଷ୍ଟେସନରେ । କିନ୍ତୁ ସମ୍ପର୍କୀୟଙ୍କ ଲଗେଜ ଅଧିକ ଥିବାରୁ ସେ ଷ୍ଟେସନରେ ଥିବା ଟ୍ରଲିକୁ ବ୍ୟବହାର କରିଥିଲେ । ତେବେ ବିନା ଅନୁମତିରେ ଟ୍ରଲି କାହିଁକି ବ୍ୟବହାର କରିଥିବା ନେଇ ଜଣେ ବ୍ୟକ୍ତି ଅଭଦ୍ର ଭାଷାରେ ସମୀରଙ୍କୁ ଗାଳିଗୁଲଜ କରିଥିଲେ । ପରେ ଉକ୍ତ ବ୍ୟକ୍ତିଜଣଙ୍କ ଷ୍ଟେସନ ବାହାରେ ଥିବା ୧୫ ଜଣ ଯୁବକଙ୍କ ସହାୟତାରେ ସଂଘବଦ୍ଧ ଆକ୍ରମଣ କରିଥିବା ଅଭିଯୋଗ ହୋଇଛି ।