ବରଗଡ: ରାଜ୍ୟ ପାଇଁ ବରଦାନ ବରଗଡ ମାଟି । ଧାନ ଚାଷ କରି ସୁନାମ ଅର୍ଜନ କରିବା ପରେ, ନୂଆ ଲକ୍ଷ୍ୟରେ ଜିଲ୍ଲାର ପରିବା ଚାଷୀ । ଯେଉଁ ପରିମାଣରେ ଏଠାରେ ଧାନ ଚାଷ କରାଯାଉଥିଲା ସେହି ପରିମାଣରେ ଏବେ ପରିବା ଚାଷ କରାଯାଉଛି । ସରକାରଙ୍କ ଟୋକେନ ବ୍ୟବସ୍ଥାକୁ ନେଇ ଚାଷୀ ହଇରାଣ ହରକତର ସାମ୍ନା କରୁଥିବାରୁ ଏବେ ପରିବା ଚାଷ କରି ବେଶ 2 ପଇସା ଲାଭ ଅର୍ଜନ କରିପାରୁଛନ୍ତି ଚାଷୀ ।
ଧାନ ପରେ ନୂଆ ରେକର୍ଡରେ ବରଗଡର ପରିବା ଚାଷୀ
ଜିଲ୍ଲାରେ ପ୍ରାୟ ୬୦ % ଚାଷ ଜମି ରହିଥିବା ବେଳେ ଏଠାକାର ପ୍ରାୟ ୭୫ % ଲୋକ ଚାଷ ଉପରେ ନିର୍ଭର କରନ୍ତି । ଧାନ ଚାଷ 2ଲକ୍ଷ 4 ହଜାର 247 ହେକ୍ଟର ଜମିରେ କରାଯାଉଥିବାବେଳେ, ବର୍ତ୍ତମାନ 1ଲକ୍ଷ 44 ହଜାର 5ଶହ ହେକ୍ଟର ଜମିରେ ପରିବା ଚାଷ କରାଯାଉଛି । ଏପରିକି ମାତ୍ର 30 ହଜାର 343 ହେକ୍ଟର ଜମିରେ 4 ଲକ୍ଷ 24 ହଜାର 481 ମେଟ୍ରିକ ଟନ ପରିବା ଉତ୍ପାଦନ କରାଯାଇ ଏକ ନୂଆ ରେକର୍ଡ ହାସଲ କରିଛି ।