କୋରୋନା ଯୋଦ୍ଧା ଭାବେ ବରଗଡରେ ନିଯୁକ୍ତ ହେଲେ ୯ ଜଣ ଆୟୁଷ ଡାକ୍ତର

ବରଗଡ ଜିଲ୍ଲାରେ ସୋମବାର ୯ ଜଣ ଆୟୁଷ ଡାକ୍ତର ଯୋଗଦାନ କରିଥିବା ବେଳେ ସେମାନଙ୍କ ମଧ୍ୟରୁ ୩ ଜଣ ମହିଳା ଡାକ୍ତର ଅଛନ୍ତି । ବରଗଡ, ଅତାବିରା, ପଦ୍ମପୁର, ପାଇକମାଳ ଓ ଝାରବନ୍ଦ ବ୍ଲକର ନୂତନ ଯୁବ ଡାକ୍ତରଙ୍କୁ କୋରୋନାର ଆଗଧାଡ଼ିର ଯୋଦ୍ଧା ଭାବରେ ନିଯୁକ୍ତି ଦିଆଯାଇଛି ।

ବରଗଡ: ଗୋଟିଏ ପଟେ ରାଜ୍ୟବାସୀ କୋରୋନାକୁ ନେଇ ଆତଙ୍କିତ ଥିବା ବେଳେ ଅନ୍ୟପଟେ ରାଜ୍ୟରେ ସଂକ୍ରମିତଙ୍କ ଚିକିତ୍ସା ପାଇଁ ଡାକ୍ତରଙ୍କ ଅଭାବ ରହିଛି । ଏପରି ସମୟରେ ରାଜ୍ୟ ସରକାର ଆୟୁଷ ଡାକ୍ତରଙ୍କୁ ନିଯୁକ୍ତି ଦେଇ କୋରୋନା ମହାମାରୀ ସହିତ ଯୋଦ୍ଧା ଭାବରେ ଲଢେଇ କରିବାକୁ ସୁଯୋଗ ଦେଇଛନ୍ତି ବହୁ ଯୁବ ଡାକ୍ତରଙ୍କୁ । ଯାହାକୁ ନେଇ ଯୁବ ଡାକ୍ତର ମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।

ଏହି କ୍ରମରେ ବରଗଡ ଜିଲ୍ଲାରେ ସୋମବାର ୯ ଜଣ ଆୟୁଷ ଡାକ୍ତର ଯୋଗଦାନ କରିଥିବା ବେଳେ ସେମାନଙ୍କ ମଧ୍ୟରୁ ୩ ଜଣ ମହିଳା ଡାକ୍ତର ଅଛନ୍ତି । ବରଗଡ, ଅତାବିରା, ପଦ୍ମପୁର, ପାଇକମାଳ ଓ ଝାରବନ୍ଦ ବ୍ଲକର ନୂତନ ଯୁବ ଡାକ୍ତରଙ୍କୁ କୋରୋନାର ଆଗଧାଡ଼ିର ଯୋଦ୍ଧା ଭାବରେ ନିଯୁକ୍ତି ଦିଆଯାଇଛି । କୋରୋନା ଯୋଦ୍ଧା ଭାବରେ ଲୋକଙ୍କ ସେବାରେ ସାମିଲ ହୋଇଥିବାରୁ ନିଜକୁ ଗର୍ବିତ ମନେ କରୁଥିବା କୁହନ୍ତି ଯୁବ ଡାକ୍ତର ।

ବରଗଡରୁ ରାଜେଶ ସରାପ, ଇଟିଭି ଭାରତ