ବରଗଡ: ପଦ୍ମପୁର ପୋଲିସକୁ ମିଳିଛି ଏକ ବଡ଼ ସଫଳତା । 36 କେଜି ଗଞ୍ଜେଇ ସହିତ ସଂପୃକ୍ତ 3 ଜଣଙ୍କୁ ପୋଲିସ ଗିରଫ କରିବାରେ ସଫଳ ହୋଇଛି । ବରଗଡ଼ ଜିଲ୍ଲା ପଦ୍ମପୁର ନିକଟସ୍ଥ ଜମଳା ଗ୍ରାମରେ ପୋଲିସ ପକ୍ଷରୁ ଚାଲିଥିବା ତଦନ୍ତ ଅଭିଯାନ ସମୟରେ ଧରାପଡିଲା ଗଞ୍ଜେଇ ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ଼
ଏକ ମାରୁତି ଇକୋ ଭ୍ୟାନରୁ ଦୁଇଟି ବ୍ୟାଗ ଭର୍ତ୍ତି ଗଞ୍ଜେଇ, ଏକ ବାଇକରୁ ଗୋଟିଏ ବ୍ୟାଗ ଗଞ୍ଜେଇ ଜବତ କରାଯାଇଥିବା ବେଳେ ଆଉ ଏକ ବଜାଜ ସିଟି 100 ବାଇକ ଜବତ କରିଛି ପୋଲିସ | ଉକ୍ତ 3 ଅଭିଯୁକ୍ତ ବରଗଡ, ବଲାଙ୍ଗୀର ଓ ବୌଦ୍ଧ ଜିଲ୍ଲାର ହୋଇଥିବା ବେଳେ ସେମାନେ ଦୀର୍ଘ ଦିନରୁ ଏପରି ବିଭିନ୍ନ ସ୍ଥାନକୁ ଗଞ୍ଜେଇ ଚୋରା ଚାଲାଣ କରିଆସୁଥିବା ସ୍ଵୀକାର କରିଛନ୍ତି | ବୌଦ୍ଧ ଜିଲ୍ଲାରୁ ବରଗଡ ଜିଲ୍ଲାର ବୁଡେନ ଅଞ୍ଚଳକୁ ଗଞ୍ଜେଇ ଚୋରା ଚାଲାଣ କରୁଥିବା ସମୟରେ ପୋଲିସ ହାତରେ ଅପରାଧୀମାନେ ଧରାପଡିଥିଲେ |