ବରଗଡ: ଜିଲ୍ଲାରେ ଦୀର୍ଘ ଦିନରୁ ଜାଲ ନୋଟ କାରବାର ଚାଲୁଥିଲା । ଏହି କାରବାର ଚଳାଉଥିବା 3 ଜଣ ଅପରାଧୀଙ୍କୁ ୨ ଲକ୍ଷ ନକଲି ନୋଟ ସହିତ ଗିରଫ କରିଛି କ୍ରାଇମବ୍ରାଞ୍ଚର ସ୍ପେଶାଲ ଟାସ୍କ ଫୋର୍ସ ଟିମ । ବରଗଡ ଜିଲ୍ଲା ପୋଲିସ ଏହି ଜାଲ ନୋଟ କାରବାରର ଟେର ମଧ୍ୟ ପାଇପାରିନଥିବା ବେଳେ କଟକରୁ କ୍ରାଇମବ୍ରାଞ୍ଚ ଟିମ ଖବର ପାଇ, ବରଗଡକୁ ଆସି ଏହି ରାକେଟକୁ ଧରିବାରେ ସଫଳ ହୋଇଛି ।
ଜାଲ ନୋଟ କାରବାରରେ 3 ଜଣ ଅପରାଧୀଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ଟିମ
ବରଗଡ ଭଟଲି ଛକ ଠାରେ ଚଢାଉ କରି ଏହି କାରବାର ଚଳାଇଥିବା ରାକେଟକୁ ଧରିଛି କ୍ରାଇମବ୍ରାଞ୍ଚ । ତେବେ ଏହି ଘଟଣାରେ ସୁଦର୍ଶନ ମହାନ୍ତି , ବରପାଲିର ପ୍ରଫୁଲ୍ଲ ବାଗ ଏବଂ ମଙ୍ଗଲୁ ମାଲାଙ୍ଗୀଙ୍କୁ ଗିରଫ କରାଯାଇଥିବା ବେଳେ ବରପାଲି କେବାଡ଼ ଠାରେ ତିଆରି କରାଯାଉଥିବା ନକଲି ନୋଟ ସରଞ୍ଜାମକୁ ଜବତ କରାଯାଇଛି ।