ପୋଖରୀରେ ବୁଡି ନାବାଳକ ମୃତ

ସାମାନ୍ୟ ଅସାବଧାନତାରୁ ଗଲା 10 ବର୍ଷ ନାବାଳକର ଜୀବନ। ବରଗଡ଼ ଜିଲ୍ଲା ବିଜେପୁର ବ୍ଲକ ସାଧୁପଲି ଗାଁର ଓମ ପ୍ରକାଶ ନାମକ ନାବାଳକ ପୋଖରୀରେ ଗାଧୋଇବାକୁ ଯାଇ ବୁଡିଗଲେ ।

ବରଗଡ଼: ପୋଖରୀରେ ଗାଧୋଇବା ହେଲା କାଳ । ସାଙ୍ଗସାଥୀଙ୍କ ସହ ଗାଁ ପାଖ ପୋଖରୀରେ ଗାଧୋଉଥିବା ବେଳେ ପୋଖରୀରେ ବୁଡି ଜଣେ ୧୦ ବର୍ଷୀୟ ନାବାଳକ ଓମ ପ୍ରକାଶ ପ୍ରାଣ ହାରିଛି । ବରଗଡ଼ ଜିଲ୍ଲା ବିଜେପୁର ବ୍ଲକ ସାଧୁପାଲି ଗ୍ରାମରେ ଏହି ଅଭାବନୀୟ ଘଟଣା ଘଟିଛି ।

ସୂଚନା ଅନୁସାରେ ସକାଳ ୧୦ଟା ବେଳେ ଓମ ପ୍ରକାଶ ନାମକ (୧୦) ତାର ସାଙ୍ଗମାନଙ୍କ ସହ ମିଶି ଗାଁ ପୋଖରୀକୁ ଗାଧୋଇବାକୁ ଯାଇଥିଲା । ପୋଖରୀରେ ପାଣି କମ ଥିବାରୁ ପୋଖରୀ ମଝିରେ ଖୋଳାଯାଇଥିବା କୂଅ ନିକଟକୁ ଯାଇ ନାବାଳକ ଗାଧୋଇଥିଲା । ମାତ୍ର ତାହା ଗଭୀର ଥିବାରୁ ସେଠାରେ ବୁଡି ଯାଇଥିଲା ନାବାଳକ । ସେ ବୁଡିଯାଇଥିବା ଦେଖି ତାର ସାଙ୍ଗମାନେ ପାଟି କରିବାରୁ ଗ୍ରାମବାସୀ ଘଟଣାସ୍ଥଳରେ ପହଞ୍ଚିଥିଲେ । ମାତ୍ର ଓମ ପ୍ରକାଶକୁ ଉଦ୍ଧାର କରି ଗ୍ରାମବାସୀ ଡ଼ାକ୍ତରଖାନାରେ ଭର୍ତ୍ତି କରିଥିଲେ ସୁଦ୍ଧା ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ବରଗଡ଼ରୁ ରାଜେଶ ସରାପ, ଇଟିଭି ଭାରତ