ବାଲେଶ୍ବର: ବେଆଇନ ମଦ ବେପାର ବନ୍ଦ କରିବା ନେଇ ତେଜିଲେ ମହିଳା । ବାଲେଶ୍ବର ଜିଲ୍ଲା ଖଇରା ଥାନା ଅଞ୍ଚଳରେ ବେଆଇନ ଭାବେ ମଦ ବିକୁଥିବା ଅଭିଯୋଗ ଆସିଛି । ଏହି ଅଭିଯୋଗରେ ମହିଳାମାନେ ହୋଟେଲ ଭିତରେ ପଶି ବ୍ୟାପକ ଭଙ୍ଗାରୁଜା କରିବା ସହ ମଦ ଗୁଡିକୁ ନିଆଁ ଲଗାଇ ଦେଇଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଖଇରା ଥାନା କୋଚିଆକୋଇଲି ଠାରେ ଥିବା ତପସି ନାମକ ଏକ ହୋଟେଲ ଦୀର୍ଘଦିନ ଧରି ବେଆଇନ ଭାବେ ମଦ ବେପାର କରୁଥିବା ଅଭିଯୋଗ ହେଉଥିଲା । ସେହି ଅଞ୍ଚଳରେ ସ୍ବୟଂ ସହାୟକ ଗୋଷ୍ଠୀର ମହିଳାମାନେ ବାରମ୍ବାର ମନା କରିବା ପରେ ମଧ୍ୟ ହୋଟେଲ ମାଲିକ ମଦ ବେପାର ବନ୍ଦ କରୁନଥିଲା । ସେପଟେ ମଦ୍ୟପଙ୍କ ଯୋଗୁଁ ଅଞ୍ଚଳରେ ବହୁ ଅସାମାଜିକ କାର୍ଯ୍ୟ ବୃଦ୍ଧି ପାଉଥିବା ଅଭିଯୋଗ ହୋଇଛି ।