ବାଲେଶ୍ବର: ଆସନ୍ତା 29ରେ ଜିଲ୍ଲାରେ ମତଦାନ ହେବାକୁ ଥିବାବେଳେ ଜିଲ୍ଲାପ୍ରଶାସନ ସମସ୍ତ ପ୍ରସ୍ତୁତି ଶେଷ କରିଛି । ଏନେଇ ଶୁକ୍ରବାର ଜିଲ୍ଲାପ୍ରଶାସନ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ପ୍ରସ୍ତୁତି ଓ ପଦକ୍ଷେପ ସମ୍ପର୍କରେ ସୂଚନା ଦିଆଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
25 ତାରିଖରୁ ଯାନବାହନ ଗୁଡିକ ରିପୋର୍ଟ କରି ସାରିଛନ୍ତି । ସମୁଦାୟ 3600 ଗାଡିକୁ ନିର୍ବାଚନ କାର୍ଯ୍ୟରେ ନିୟୋଜିତ କରାଯାଇଛି । 5ଟି ଜାଗାରୁ ବିତରଣ କେନ୍ଦ୍ର ହେବ ବୋଲି ସୂଚନା ମିଳିଛି । ବସ୍ତା ଓ ବାଲେଶ୍ୱର ପାଇଁ ଉତ୍କଳ ବାଳାଶ୍ରମରୁ ପୋଲିଂ ପାର୍ଟି ଇଭିଏମ ଗ୍ରହଣ କରିବେ। ଜଳେଶ୍ବର ଓ ଭୋଗରାଇ ପାଇଁ ଖ୍ରୀଷ୍ଟିଆନ ହାଇସ୍କୁଲ, ସୋର ଓ ରେମୁଣା ପାଇଁ କେନ୍ଦ୍ରୀୟ ବିଦ୍ୟାଳୟ, ସିମୁଳିଆ ପାଇଁ ଆଇଟିଆଇ, ନୀଳଗିରି ପାଇଁ କେସି ହାଇସ୍କୁଲରୁ ପୋଲିଂ ପାର୍ଟି ବାହାରିବେ । ଏହାସହ 121 ଜଣ ଅଣୁ ପର୍ଯ୍ୟବେକ୍ଷକ ବିଭିନ୍ନ ବୁଥରେ ନିୟୋଜିତ ହେବେ ।