ବାଲେଶ୍ୱର: ବେଆଇନ ବାଲି ଖନନକୁ ବିରୋଧ କରି ପୁଣି ତେଜିଲା ଅସନ୍ତୋଷ । କୌଣସି କାଗଜ ପତ୍ର ନଥାଇ ନିଲାମ ନନେଇ ଦିନରାତି ମେସିନ ସାହାଯ୍ୟରେ ହେଉଛି ବେଧଡ଼କ ବାଲି ଖନନ । ପ୍ରଥମେ ପଞ୍ଚୁଘଣ୍ଟା ଆଉ ଏବେ ଶିଖରପୁରରେ ତେଜିଲା ଆନ୍ଦୋଳନ । ବେଆଇନ ବାଲି ଖନନ ଓ ଚାଲାଣକୁ ବିରୋଧ କରି ଆଜି ଶିଖରପୁର ଗ୍ରାମବାସୀ ଶତାଧିକ ଟ୍ରାକ୍ଟରକୁ ଅଟକ ରଖିବା ସହିତ ଦୀର୍ଘ ସମୟ ଆନ୍ଦୋଳନରେ ବସିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଜଳେଶ୍ୱର ତହସିଲ ଅଞ୍ଚଳରେ ଦିନକୁ ଦିନ ବଢି ଛାଲିଛି ବାଲି ମାଫିଆଙ୍କ ଦୌରାତ୍ମ୍ୟ । ପ୍ରଶାସନ ଓ ବାଲି ମାଫିଆଙ୍କ ମଧୁଚନ୍ଦ୍ରିକା ପାଇଁ ରାଜ୍ୟ ସରକାର ହରାଉଛନ୍ତି କୋଟି କୋଟି ଟଙ୍କାର ରାଜସ୍ୱ । ବାଲି ସୈରାତରୁ ମାତ୍ର ୨୦୦ ମିଟର ବ୍ୟବଧାନରେ ସ୍କୁଲ, ଅଙ୍ଗନ ବାଡ଼ି, ପଞ୍ଚାୟତ ଅଫିସ ରହିଛି । ନଦୀର ଗତିପଥ କ୍ରମଶଃ ପରିବର୍ତ୍ତନ ହେବାରୁ ନଦୀ ଗାଁମୁହାଁ ହେଉଥିବା ଦେଖିବାକୁ ମିଳିଛି । ଯଦି ଉକ୍ତ ବାଲି ଖାଦାନକୁ ବନ୍ଦ କରା ନଯାଏ ତେବେ ଆଗାମୀ ଦିନରେ ଆଖପାଖର ବହୁ ଗାଁ ନଦୀ ଗର୍ଭରେ ଲୀନ ହେବ ବୋଲି ଗ୍ରାମବାସୀ ଅଭିଯୋଗ କରିଛନ୍ତି ।