ବାଲେଶ୍ବର: ଦୀର୍ଘ 50 ବର୍ଷ ଧରି ସରକାରୀ ଜାଗାରେ ବିତାଉଛନ୍ତି ଜୀବନ । ପରିବାରର ସଦସ୍ୟମାନେ ଅନ୍ୟ ଲୋକଙ୍କ ବିଲବାଡିରେ ଶ୍ରମିକ ଭାବରେ କାମ କରି ନିଜ ଗୁଜୁରାଣ ମେଣ୍ଟାନ୍ତି । ହେଲେ ଏଦିଗରେ ପ୍ରଶାସନ ପକ୍ଷରୁ ନିଆଯାଉନାହିଁ କୌଣସି ଠୋସ୍ ପଦକ୍ଷେପ ।
ଭିଡିଓ ସୌଜନ୍ୟ; ସମ୍ବାଦଦାତା, ବାଲେଶ୍ବର
ସୂଚନା ଅନୁଯାୟୀ, ବାଲେଶ୍ବର ଜିଲ୍ଲା ଭୋଗରାଇ ବ୍ଲକ ଅଧୀନରେ ଥିବା 32ଟି ଗାଁରେ ବସବାସ କରନ୍ତି 500ରୁ ଅଧିକ ଆଦିବାସୀ । ନିଜର ବୋଲି ଜମି ଖଣ୍ଡେ ମଧ୍ୟ ନାହିଁ । ଫଳରେ ପିଲାଙ୍କୁ ଜନ୍ମ ପ୍ରମାଣପତ୍ର, ଜାତିଗତ ପ୍ରମାଣପତ୍ର, ଆୟ ପ୍ରମାଣପତ୍ର କିମ୍ବା ସ୍ଥାୟୀ ବାସିନ୍ଦା ପ୍ରମାଣପତ୍ର କିଛି ମିଳିପାରୁ ନାହିଁ । ଆବାସ ଯୋଜନାରେ ଘର,ଖାଦ୍ୟ ସୁରକ୍ଷା ଆଇନ ଏବଂ ଜାତୀୟ ନିଶ୍ଚିତ କର୍ମ ନିଯୁକ୍ତି ଯୋଜନାରେ ଅନ୍ତର୍ଭୁକ୍ତ ହେବା ତାଙ୍କ ପାଇଁ ସାତ ସପନ ପାଲଟି ଯାଇଛି ।