ବାଲେଶ୍ୱର: ଢେର କସରତ କରିବା ପରେ ମଧ୍ୟ ଚୋରି କରିବାରେ ବିଫଳ ହେଲେ ବ୍ୟାଙ୍କ ଲୁଟେରା । ବ୍ୟାଙ୍କ ପଛପଟ ସ୍କାଏ ଲାଇଟ ଭାଙ୍ଗି ଭିତରକୁ ପଶିଥିଲେ ଚୋରମାନେ । କିନ୍ତୁ ଟଙ୍କା ଚୋରି କରିବାରେ ବିଫଳ ହୋଇଥିଲେ । ବାଲେଶ୍ୱର ଜିଲ୍ଲା ଖଇରା ଥାନା ବର୍ତ୍ତନା ଆହ୍ଲାବାଦ ବ୍ୟାଙ୍କରୁ ଚୋରି ଉଦ୍ୟମ ହୋଇଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ୱର
ସୂଚନା ଅନୁସାରେ, ପ୍ରତିଦିନ ଭଳି ସୋମବାର ସକାଳେ ବ୍ୟାଙ୍କ ଖୋଲିବା ପରେ ବ୍ୟାଙ୍କର ସମସ୍ତ ଜିନିଷପତ୍ର ଏଣେତେଣେ ବିଛୁରି ହୋଇ ପଡ଼ିଥିଲା । ଚୋରମାନେ ପଛପଟ ସ୍କାଏ ଲାଇଟ ଭାଙ୍ଗି ଭିତରକୁ ପଶିଥିଲେ । ସିସିଟିଭିର ତାର କାଟି ଚୋରମାନେ ଟଙ୍କା ଥିବା ସ୍ଥାନର ଗ୍ରୀଲ ଚାବି ଭାଙ୍ଗିଥିବା ଦେଖିବାକୁ ମିଳିଥିଲା । ତେବେ ଟଙ୍କା ଥିବା ଆଇରନ ଚେସିସ ଭାଙ୍ଗିବାକୁ ଚେଷ୍ଟା କରିଥିଲେ ମଧ୍ୟ ସେଥିରେ ସଫଳହୋଇ ପାରିନଥିଲେ ଏହି ଚୋରମାନେ ।