ବାଲେଶ୍ବର: ଆଜି ବାଲେଶ୍ବର ଜିଲ୍ଲା ଗସ୍ତରେ ଆସି ସରକାରୀ ମେଡିକାଲ କଲେଜ ଓ ହସପିଟାଲ ପରିଦର୍ଶନ କରିଛନ୍ତି ଜାମିନି ଷଡ଼ଙ୍ଗୀ । ଓଡିଶା ରାଜ୍ୟ ମେଡିକାଲ କର୍ପୋରେସନ ଲିମିଟେଡ଼ର ପରିଚାଳନା ନିର୍ଦ୍ଦେଶିକା ତଥା ମୋ ସରକାରର ଜିଲ୍ଲା ପାଇଁ ନୋଡାଲ ଅଫିସର ଭାବେ ନିଯୁକ୍ତ ହୋଇଛନ୍ତି ଜାମିନି ଷଡ଼ଙ୍ଗୀ ।
ଏହି ପରିଦର୍ଶନ ସମୟରେ ମେଡ଼ିକାଲର ବିଭିନ୍ନ ବିଭାଗ, ଓ୍ବାର୍ଡ ଓ ପରିସରର ସ୍ଥିତି ଯାଞ୍ଚ କରିଛନ୍ତି । ବାଲେଶ୍ବର ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ, ସିଡିଏମଓ ଡାକ୍ତର ବାନାର୍ଜୀ ପ୍ରସାଦ ଚକ୍ରବର୍ତ୍ତୀ, ମେଡିକାଲ କଲେଜ ଡିନ୍ ଡାକ୍ତର ପ୍ରତାପ ଚନ୍ଦ୍ର ରଥ, ଡିପିଏମ ପ୍ରଭୁ ପ୍ରତ୍ୟନ୍ତ ପତି ଓ ହସପିଟାଲ ମ୍ୟାନେଜର ଦେବସ୍ମିତା ଦାସ ପ୍ରମୁଖ ଉପସ୍ଥିତ ରହିଥିଲେ ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ