ବିବାହ ଭୋଜି ଖାଇ ଫେରିଲେନି ଯୁବକ !

ବାଲେଶ୍ବରର ବ୍ରାହ୍ମଣୀ ପୋଖରୀ ପେଟ୍ରୋଲ ପମ୍ପ ନିକଟରେ ବାଇକ୍ ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ ଜଣେ ପ୍ରାଣ ହରାଇ ଥିବାବେଳେ 2 ଜଣ ଆହତ ହୋଇଛନ୍ତି ।

ବାଲେଶ୍ବର: ବିବାହ ଭୋଜି ଖାଇ ବାଲେଶ୍ବରର ଖଇରା ଫେରୁଥିବା ବେଳେ ଦୁର୍ଘଟଣାଗ୍ରସ୍ତ ହୋଇଛି ବାଇକ୍ । ଏଥିରେ ତିନି ଜଣଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବା ବେଳେ 2 ଜଣ ଗୁରୁତର ଆହତ ହୋଇଛନ୍ତି ।

ରବିବାର ବିଳମ୍ବିତ ରାତିରେ ତିନି ଜଣ ବାଇକରେ ଫେରୁଥିବା ସମୟରେ ବ୍ରାହ୍ମଣ ପୋଖରୀ ପେଟ୍ରୋଲ ପମ୍ପ ନିକଟରେ ଦୁର୍ଘଟଣା ଘଟିଥିଲା । ଖବର ପାଇ ଖଇରା ଦମକଳ ବାହିନୀ ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଇଥିଲେ ।

ଡାକ୍ତର ସେମାନଙ୍କ ମଧ୍ୟରୁ ଜଣଙ୍କୁ ମୃତ ଘୋଷଣା କରିଛନ୍ତି । ମୃତକଙ୍କ ନାମ ରାକେଶ ବେହେରା ଓ ସେ କୁପାରି ଷ୍ଟେଟ ବ୍ୟାଙ୍କ ଶାଖାର ସିକ୍ୟୁରୁଟି ଗାର୍ଡ ଭାବେ କାର୍ଯ୍ୟ କରନ୍ତି ବୋଲି ଜଣାପଡିଛି ।

ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ