ବାଲେଶ୍ବରରୁ ୪ ଲକ୍ଷ ଟଙ୍କାର ବ୍ରାଉନସୁଗାର ଜବତ, ବେପାରୀ ଗିରଫ

ପାଟ୍ରୋଲିଂ ସମୟରେ ଅରଡ଼ବଜାର ଅଞ୍ଚଳରେ ଜଣେ ବ୍ରାଉନସୁଗର ବେପାରୀ ଧଳା ଜହରକୁ ବିକ୍ରି ପାଇଁ ପ୍ରୟାସ ଚଳାଇଥିବା ପୋଲିସ ଖବର ପାଇଥିଲା। ଆନନ୍ଦ ବଜାର ଅଞ୍ଚଳରୁ ପୋଲିସ ବ୍ରାଉନସୁଗର ସହ ବେପାରିକୁ ଗିରଫ କରିଛି ।

ବାଲେଶ୍ଵର: ସହଦେବଖୁଣ୍ଟା ଥାନା ପକ୍ଷରୁ ଚଢ଼ାଉ କରାଯାଇ ବ୍ରାଉନସୁଗର ଜବତ ସହ ଜଣେ ବେପାରିକୁ ଗିରଫ କରିଛି ଜିଲ୍ଲା ପୋଲିସ। ପାଟ୍ରୋଲିଂ ସମୟରେ ଅରଡ଼ବଜାର ଅଞ୍ଚଳରେ ଜଣେ ବ୍ରାଉନସୁଗର ବେପାରୀ ଧଳା ଜହରକୁ ବିକ୍ରି ପାଇଁ ପ୍ରୟାସ ଚଳାଇଥିବା ପୋଲିସ ଖବର ପାଇଥିଲା।

ତେବେ ଆନନ୍ଦ ବଜାର ଅଞ୍ଚଳରୁ ପୋଲିସ ବ୍ରାଉନସୁଗର ସହ ବେପାରିକୁ ଗିରଫ କରିଛି । ଗିରଫ ବେପାରୀର ନାମ ସେକ ରଫିକ ହୋଇଥିବା ବେଳେ ତା ନିକଟରୁ 39 ଗ୍ରାମ ବ୍ରାଉନସୁଗର ଓ 75 ହଜାର 450 ଟଙ୍କା ଜବତ କରାଯାଇଛି। ଜବତ ବ୍ରାଉନସୁଗରର ଆନୁମାନିକ ମୂଲ୍ୟ 4 ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ସୂଚନା ମିଳିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ