ବାଲେଶ୍ବର: ନୂଆ ମୋଟର ଯାନ ଆଇନ । ଯାହାକୁ ନେଇ ସଭିଁଙ୍କ ମନରେ ଏକ ପ୍ରକାର କୋକୁଆ ଭୟ । ଅବଶ୍ୟ ରାଜ୍ୟରେ କୋହଳ କରାଯାଇଛି ଏହି ନୂଆ ନିୟମ ।ତଥାପି ଲୋକଙ୍କୁ ସଚେତନ କରୁଛି ପୋଲିସ । ତେବେ ବାଲେଶ୍ବରର ଏଭଳି ଏକ ଭିଡିଓ ସାମ୍ନାକୁ ଆସିଛି । ଯାହାକୁ ଦେଖିଲେ ଆପଣ ନିଶ୍ଚୟ ଭାବିବେ ଆଇନର ରକ୍ଷକ କିଭଳି ଭାବେ ଆଇନ ପାଳନ କରୁଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଦେଖନ୍ତୁ ଏ ଭିଡିଓକୁ । ଏ ହେଉଛି ପୋଲିସ ଗାଡି । ଗାଡିରୁ କିଭଳି ଚିମିନି ଭଳି ଧୂଆଁ ବାହାରୁଛି । ପ୍ରଦୂଷଣ ସାର୍ଟିଫିକେଟକୁ କଡାକଡା କରାଯାଇଥିବା ବେଳେ ପୋଲିସର ଗାଡିରୁ ଏଭଳି ଧୂଆଁ ବାହାରୁଛି । ଏଥିପ୍ରତି ଯେମିତି କାହାର ନିଘା ନାହିଁ । ଏହି ଭିଡିଓଟି ଗତ କିଛିଦିନ ହେବ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଥିଲା ।