ଅଭିଯୁକ୍ତକୁ ଧରିବାକୁ ଯାଇ ନାକେଦମ ପୋଲିସ

ଅଭିଯୁକ୍ତକୁ ଧରିବାକୁ ଯାଇ ନାକେଦମ ହେଲା ପୋଲିସ । ବାଲେଶ୍ବରରେ ଦେଖିବାକୁ ମିଳିଛି ଏଭଳି ଘଟଣା । ଅଧିକ ପଢନ୍ତୁ...

ବାଲେଶ୍ଵର: ଅଭିଯୁକ୍ତକୁ ଧରିବାକୁ ଯାଇ ନାକେଦମ ହେଲା ପୋଲିସ । ବାଲେଶ୍ଵର ଜିଲ୍ଲା ବାଉଁଶବଣିଆ ପଞ୍ଚାୟତର ଛୋଟକାନପୁର ଗାଁର ଅଭିଯୁକ୍ତ ସପକ୍ଷରେ ଟାୟାର ଜାଳି ରାସ୍ତାରୋକ କରିଛନ୍ତି ସ୍ଥାନୀୟ ଲୋକେ । ସୂଚନ ଅନୁସାରେ, ଗାଁର ବିଶ୍ବଜିତ ଦଳେଇ, ଗୌରାଙ୍ଗ ପାତ୍ରଙ୍କୁ ମଦ୍ୟପାନ କରି ଅଶ୍ଳୀଳ ଭାଷାରେ ଗାଳିଗୁଲଜ କରି ଠେଙ୍ଗାରେ ଆକ୍ରମଣ କରିଥିଲେ ।

ଏନେଇ ଥାନାରେ ଅଭିଯୋଗ ହୋଇଥିଲା। ଅଭିଯୋଗ କ୍ରମେ ପୋଲିସ ଅଭିଯୁକ୍ତଙ୍କୁ ଧରିବା ପାଇଁ ଯାଇଥିବା ବେଳେ ନାକେଦମ ହୋଇଛି। ଗ୍ରାମବାସୀମାନେ ଗିରଫଦାରୀକୁ ଏଡ଼ାଇବା ପାଇଁ ରାସ୍ତାରେ ଟାୟାର ଜାଳି ରାସ୍ତାରୋକ କରିଥିଲେ। ଦୀର୍ଘ ସମୟ ଜନତା ଓ ପୋଲିସ ମୁହାଁମୁହିଁ ହେବାପରେ ଅଭିଯୁକ୍ତ ଓ ତାଙ୍କ ମା’ଙ୍କୁ ଗିରଫ କରାଯାଇଛି।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ