ବାଲେଶ୍ବର: ପୁଣି ମଦ ସାଜିଲା ମୃତ୍ୟୁର କାରଣ । ଘଟଣାଟି ହେଉଛି ରେମୁଣା ଅଞ୍ଚଳରେ । ଶିଳ୍ପାଞ୍ଚଳ ଥାନା ଅନ୍ତର୍ଗତ ଗଣେଶ୍ବରପୁର ଗ୍ରାମର ରତିକାନ୍ତ ଦାସଙ୍କୁ ମଦ ବିକ୍ରି ଅଭିଯୋଗରେ ଗତ ୭ ତାରିଖରେ ପୋଲିସ ଉଠାଇ ନେଇଥିଲା । ଥାନାରେ ଅଟକ ଥିବା ବେଳେ ଅଭିଯୁକ୍ତ ରତିକାନ୍ତ ଅସ୍ବାଭାବିକ ଭାବେ ଅସୁସ୍ଥ ହୋଇପଡ଼ିଥିଲେ । ଫଳରେ ତାଙ୍କୁ ପ୍ରଥମେ ରେମୁଣା ସିଏଚ୍ସି, ବାଲେଶ୍ବର ମୁଖ୍ୟ ଚିକିତ୍ସାଳୟ ଓ ପରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ତେବେ ରତିକାନ୍ତଙ୍କର ସେଠାରେ ମୃତ୍ୟୁ ହୋଇଥିଲା । ମାତ୍ର ମୃତଦେହ ବାଲେଶ୍ବର ଫେରି ନଥିବା ଜଣାପଡ଼ିଛି।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଫଳରେ ତାଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ପ୍ରକାଶ ପାଇଛି । ଥାନାରେ ଥିବା ବେଳେ ପୋଲିସ ତାଙ୍କୁ ନିସ୍ତୁକ ମାଡ଼ ମାରିଛି ଓ ସେଥିରେ ଗୁରୁତର ହୋଇ ରତିକାନ୍ତର ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି।