ଆଇଟିଆଇ ପାଚେରୀ ନିର୍ମାଣକୁ ବିରୋଧ

ବାଲେଶ୍ବର ସହର ଶିଳ୍ପାଞ୍ଚଳ ଥାନା ଅନ୍ତର୍ଗତ ସରକାରୀ ଆଇଟିଆଇର ପାଚେରୀ ନିର୍ମାଣକୁ ନେଇ ସ୍ଥାନୀୟ ଲୋକଙ୍କ ବିରୋଧ ପ୍ରଦର୍ଶନ କରିଥିବା ଦେଖିବାକୁ ମିଳିଛି । ଏହାକୁ ନେଇ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି ।

ବାଲେଶ୍ବର: ଆଇଟିଆଇ ପାଚେରୀ ନିର୍ମାଣକୁ ବିରୋଧ । ଶିଳ୍ପାଞ୍ଚଳ ଥାନା ଅନ୍ତର୍ଗତ ସରକାରୀ ଆଇଟିଆଇ ନିର୍ମାଣ ହେଉଛି ପାଚେରୀ ଯାହାକୁ ସ୍ଥାନୀୟ ଲୋକେ ଜୋରଦାର ବିରୋଧ କରିଛନ୍ତି । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି ।

ବାଲେଶ୍ବର ସରକାରୀ ଆଇଟିଆଇ ପକ୍ଷରୁ ପାଚେରୀ ନିର୍ମାଣ ପାଇଁ ଜିଲ୍ଲାପାଳଙ୍କୁ ଆବେଦନ କରାଯାଇଥିଲା । ସେଥିପାଇଁ ପ୍ରଶାସନ ପକ୍ଷରୁ ପାଚେରୀ ନିର୍ମାଣ ନେଇ ସମସ୍ତ ପ୍ରସ୍ତୁତି ଆରମ୍ଭ ହେବାକୁ ଥିବାବେଳେ ସ୍ଥାନୀୟ ମହିଳା ଓ ପୁରୁଷ ପାଚେରୀ ନିର୍ମାଣକୁ ବିରୋଧ କରିଥିଲେ । ଖବର ପାଇ ଶିଳ୍ପାଞ୍ଚଳ ଥାନା ଆଇଆଇସି ଓ କ୍ରାଇମ ଡିଏସପି ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ପୁନଃମାପ କରାଯିବା ପରେ ପାଚେରୀ ନିର୍ମାଣ ହେବ ପ୍ରଶାସନ ପକ୍ଷରୁ କୁହାଯିବା ପରେ ପରିସ୍ଥିତି ଶାନ୍ତ ପଡିଥିଲା ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ