ବାଲେଶ୍ବର: ଟ୍ରେନର ଏସି ଖରାପ ହେବା ଯୋଗୁ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ କାମାକ୍ଷା ଯଶୋବନ୍ତପୁର ଏକ୍ସପ୍ରେସ ଯାତ୍ରୀ । ଗୁରୁବାର ଅପରାହ୍ନ 2.30ରେ ବାଲେଶ୍ବର ଷ୍ଟେସନରେ କାମାକ୍ଷା ଯଶୋବନ୍ତପୁର ଏକ୍ସପ୍ରେସ ଲାଗିଥିଲା । ଆଉ ଏସି ଖରାପ ଯୋଗୁଁ ଯାତ୍ରୀମାନଙ୍କ ଭିଡ ଷ୍ଟେସନରେ ଦେଖିବାକୁ ମିଳିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
କାମାକ୍ଷାରୁ ଯଶୋବନ୍ତପୁର ଅଭିମୁଖେ ବାହାରିଥିବା 12552 ନମ୍ବର ଟ୍ରେନରେ ବିଭିନ୍ନ ଅବ୍ୟବସ୍ଥା ଥିବା ଅଭିଯୋଗ କରିଥିଲେ ଯାତ୍ରୀମାନେ । ପଶ୍ଚିମବଙ୍ଗର ଆସାନସୋଲ ନିକଟରୁ ଏସି ଖରାପ ହୋଇଯିବା ଯୋଗୁଁ ପ୍ରବଳ ଗୁଳୁଗୁଳିରେ ଯାତ୍ରୀମାନେ ଅଣନିଶ୍ବାସୀ ହୋଇଯାଇଥିଲେ ।