ମହଙ୍ଗା ଯୁଗରେ ଶ୍ୟାମ ମଉସାଙ୍କ ୫ଟଙ୍କିଆ କଫି
ବାଲେଶ୍ୱର: ଆଜିର ଏହି ମହଙ୍ଗା ଯୁଗରେ ବି 5 ଟଙ୍କାରେ ମିଳୁଛି ସୁଆଦିଆ କଫି । ଆଜି କିମ୍ବା କାଲି ନୁହେଁ ବର୍ଷ ବର୍ଷ ଧରି ଅତି ଆଦରରେ ସେ ଲୋକଙ୍କୁ ପିଆଉଛନ୍ତି କଫି ଓ ଚା । ଅତ୍ୟନ୍ତ ମିଷ୍ଟଭାଷୀ ଓ ସରଳ ମଣିଷଟେ ସେ । ବୟସ ପାଖାପାଖି 70 ହେବ ମାତ୍ର ସେ ଥକି ଯାଇ ନାହାନ୍ତି କି ନିଜର କର୍ମମୟ ଜୀବନକୁ ଭୁଲି ଯାଇ ନାହାନ୍ତି । ଲୋକମାନଙ୍କୁ କପେ କଫି ପିଆଇ ସେ ବେଶ ଖୁସି ଅନୁଭବ କରନ୍ତି । ସେମିତି ଜଣେ ମଣିଷ ହେଉଛନ୍ତି ବାଲେଶ୍ଵର ଜିଲ୍ଲା ସୋର ସରସଙ୍ଖ ଗ୍ରାମର ଶ୍ୟାମ ସୁନ୍ଦର ସାହୁ ।
ସରସଙ୍ଖ ଛକରେ ଥିବା ମା' ତାରିଣୀଙ୍କ ମନ୍ଦିର ନିକଟରେ ରହିଛି ଶ୍ୟାମ ମଉସାଙ୍କ ଏହି କଫି ଦୋକାନ। ଯେଉଁଠି ସକାଳ ଏବଂ ସନ୍ଧ୍ୟା ହେଲେ ଶ୍ୟାମ ମଉସାଙ୍କ କଫି ଦୋକାନରେ କଫି ପିଇବାକୁ ଭିଡ଼ ଲାଗିଥାଏ । କେବଳ ସୋର ଅଞ୍ଚଳ ନୁହଁ ସୋରରୁ 20 କିମି ଦୂର ଖଇରା, ଗଣ୍ଡିବେଡ଼, ତୁଡ଼ି ଗଡିଆ, ଔପଦା, ଜାମୁଝାଡିରୁ ଅନେକ ଲୋକ ଶ୍ୟାମ ମଉସାଙ୍କ ନିକଟକୁ ଆସି କଫି ପିଇଥାନ୍ତି ।
ଏହା ମଧ୍ୟ ପଢନ୍ତୁ....ସମନ୍ବିତ ଚାଷରୁ ସ୍ବାବଲମ୍ବୀ ସାଆନ୍ତା