କେନାଲ ବନ୍ଧରୁ ଅଜଣା ମୃତଦେହ ଉଦ୍ଧାର

ରବିବାର ସନ୍ଧ୍ୟାରେ ସୋର ଥାନା ଅନ୍ତର୍ଗତ ମଙ୍ଗଳପୁର ଠାରେ ନିର୍ମାଣଧୀନ କେନାଲ ବନ୍ଧ ପାଖରେ ଏକ ଅଜଣା ମୃତଦେହ ଉଦ୍ଧାର କରାଯାଇଛି ।

ବାଲେଶ୍ଵର: କେନାଲ ବନ୍ଧରୁ ଏକ ଅଜଣା ମୃତଦେହ ଉଦ୍ଧାର କରାଯାଇଛି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ସୋର ଥାନା ଅଞ୍ଚଳରେ । ତେବେ ଏହି ଘଟଣାକୁ ନେଇ ଲୋକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଛି।

ସୂଚନା ଅନୁଯାଇ, ରବିବାର ସନ୍ଧ୍ୟାରେ ସୋର ଥାନା ଅନ୍ତର୍ଗତ ମଙ୍ଗଳପୁର ଠାରେ ନିର୍ମାଣଧୀନ କେନାଲ ବନ୍ଧ ପାଖରେ ଏକ ଅଜଣା ମୃତଦେହ ପଡିଥିବାର ଦେଖିବାକୁ ମିଳିଥିଲା। ତେବେ ଅଜଣା ମୃତଦେହକୁ କେନାଲ କାର୍ଯ୍ୟ କରୁଥିବା ସମ୍ପୃକ୍ତ ଠିକାଦାର ଡୋଜର ଲଗାଇ ଉଠାଇ ନେଉଥିବାର ଲୋକମାନେ ଦେଖିବାକୁ ପାଇଥିଲେ।

ଏହି ଘଟଣାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖା ଦେଇଥିଲା । ଏହାପରେ ସେମାନେ ପୋଲିସକୁ ଖବର ଦେଇଥିଲେ । କିନ୍ତୁ ପୋଲିସ ବିଳମ୍ବରେ ଆସିବାରୁ ଲୋକଙ୍କ ମଧ୍ୟରେ କିଛି ସମୟ ଉତ୍ତେଜନା ଦେଖାଦେଇଥିଲା। ତେବେ ବହୁ ସମୟ ଲୋକଙ୍କୁ ବୁଝାସୁଝା ପରେ ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡିଛି।

ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ