ରାସ୍ତା ନିର୍ମାଣ ଦାବିରେ ରାସ୍ତା ଅବରୋଧ

ବାଲେଶ୍ବର ଜିଲ୍ଲା ଫୁଲାଡିରୁ ସହିଦ ବାଘାଜତୀନ ସ୍ମୃତିପୀଠ ଯାଏ ଶୋଚନୀୟ ରାସ୍ତା ନିର୍ମାଣ ଦାବି କରି ସୁରକ୍ଷା କ୍ରିୟାନୁଷ୍ଠାନ କମିଟି ପକ୍ଷରୁ ରାଜପଥ ଅବରୋଧ କରାଯାଇଛି । ଅଧିକ ପଢନ୍ତୁ...

ବାଲେଶ୍ବର: ଜିଲ୍ଲା ଫୁଲାଡିଠାରେ ବିଭିନ୍ନ ଦାବି ନେଇ ରାସ୍ତା ଅବରୋଧ । ସୁରକ୍ଷା କ୍ରିୟାନୁଷ୍ଠାନ କମିଟି ପକ୍ଷରୁ ବିଭିନ୍ନ ଦାବି ନେଇ ଜାତୀୟ ରାଜପଥ ଅବରୋଧ କରାଯାଇଛି।

ଫୁଲାଡିରୁ ସହିଦ ବାଘାଜତୀନ ସ୍ମୃତିପୀଠ ଯାଏ ରାସ୍ତାର ଅବସ୍ଥା ଶୋଚନୀୟ ହୋଇପଡିଛି । ଏନେଇ ଦୀର୍ଘଦିନରୁ ଦାବି ହୋଇ ଆସୁଥିଲେ ବି ଏଥିପ୍ରତି ପ୍ରଶାସନିକ ସ୍ତରରେ ଦୃଷ୍ଟି ନ ପଡିବା ନେଇ ଉଦବେଗ ପ୍ରକାଶ ପାଇଛି ।

ଏଥିପାଇଁ ଜମି ମାଲିକଙ୍କୁ ଉଚିତ କ୍ଷତିପୂରଣ ପ୍ରଦାନ କରି ରାସ୍ତା ନିର୍ମାଣ କାର୍ଯ୍ୟ ତୁରନ୍ତ ଆରମ୍ଭ କରିବା ପାଇଁ ଦାବି ହୋଇଛି । ଏହାସହ ବାଘାଜତୀନ ସହିଦ ସ୍ମୃତିପୀଠର ଉନ୍ନତି କରଣ ଦିଗରେ ପ୍ରଶାସନ ଦୃଷ୍ଟି ଦେବା ଦାବିରେ ରାସ୍ତା ଅବରୋଧ କରାଯାଇଛି । ରାସ୍ତା ଅବରୋଧ ହେବା ଫଳରେ ରାସ୍ତାରେ ଅନେକ ଗାଡି ଅଟକି ରହିଛି ।

ବାଲେଶ୍ବରରୁ ଜୀବନ ଜ୍ୟାେତି ନାୟକ, ଇଟିଭି ଭାରତ