ରଜ ପାଳିବାକୁ ଯାଇ ଟ୍ରକ ଧକ୍କାରେ ମା-ଝିଅ ମୃତ

ବାଲେଶ୍ୱର ଜିଲ୍ଲା ବାଲିଆପାଳ ଥାନା ଅଧିନ ପଞ୍ଚୁପାଲି-ଲଂଗଳେଶ୍ୱର ରାସ୍ତାରେ ଘଟଛି ଅଭାବନୀୟ ଘଟଣା । ରଜ ପାଳିବାକୁ ଯାଇ ଟ୍ପ୍ରାରକ ଧକ୍କାରେ ପ୍ରାଣ ହରାଇଲେ ମା ଓ ଝିଅ ।

ବାଲେଶ୍ବର: ରଜ ପାଳିବାକୁ ଯାଇ ପ୍ରାଣ ହରାଇଲେ ମା ଓ ଝିଅ । ଏହି ଅଭାବନୀୟ ଘଟଣା ଘଟଛି ବାଲେଶ୍ୱର ଜିଲ୍ଲା ବାଲିଆପାଳ ଥାନା ଅଧିନ ପଞ୍ଚୁପାଲି-ଲଂଗଳେଶ୍ୱର ରାସ୍ତାରେ । ଶୁକ୍ରବାର ରଜ ପାଳିବାକୁ ଯାଇ ବନ୍ଧୁ ଘରୁ ଫେରିଲା ବେଳକୁ ଟ୍ରକ ଧକ୍କାରେ ଘଟଣାସ୍ଥଳରେ ମା ଓ 8ବର୍ଷ ଝିଅର ମୃତ୍ୟୁ ହୋଇଥିବା ଜଣାପଡିଛି ।

ବାଇକ ଓ ବାଲିଟ୍ରକ ମୁହାଁମୁହିଁ ଧକ୍କା ହେବା ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିଲା । ହେଲେ ଏତିକି ବେଳେ ବାଇକରେ ବସିଥିବା ମାଆ ଓ ୮ବର୍ଷର ଝିଅ ତଳେ ପଡିଯାଇଥିଲେ । ଏହାପରେ ଉଭୟଙ୍କ ଉପରେ ଟ୍ରକ ଚଢ଼ି ଯାଇଥିଲା । ମାଆ, ଝିଅଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି ।

ଅନ୍ୟପଟେ ଗୁରୁତର ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି । ତେବେ ଆହତ ଓ ମୃତକଙ୍କ ପରିଚୟ ଏ ପର୍ଯ୍ୟନ୍ତ ମିଳି ପାରିନାହିଁ ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ