ବାଲେଶ୍ବର: ମାରାତ୍ମକ କୋରୋନା ଭାଇରସ ବ୍ୟାପିବାରୁ ରୋକିବା ପାଇଁ ସାରା ଦେଶକୁ ଲକ ଡାଉନ ଘୋଷଣା କରାଯାଇଛି । ଏହା ମଧ୍ୟରେ ୫୦ରୁ ଉର୍ଦ୍ଧ୍ବ ଓଡିଆ ଶ୍ରମିକ ହାଇଦ୍ରାବାଦରେ ଫସି ରହିଥିବା ଏକ ଭିଡିଓରୁ ଜଣାପଡିଛି। ତେବେ ଫସିରହିଥିବା ସମସ୍ତ ଓଡିଆ ଶ୍ରମିକ ବାଲେଶ୍ବର ଜିଲ୍ଲା ବାସିନ୍ଦା ବୋଲି ଜଣାପଡିଛି ।
ଓଡିଶା ଫେରାଇ ଆଣିବାକୁ ମୁଖ୍ୟମନ୍ତ୍ରୀଙ୍କୁ ଗୁହାରି କଲେ ଓଡିଆ ଶ୍ରମିକ
ସୂଚନା ଅନୁଯାୟୀ, ବାଲେଶ୍ଵର ଜିଲ୍ଲାର ଖଇରା ଓ ଔପଦା ଅଞ୍ଚଳର ଅଧିକାଂଶ ଶ୍ରମିକ କାମ କରିବା ପାଇଁ ହାଇଦ୍ରାବାଦ ଯାଇଛନ୍ତି । କିନ୍ତୁ କୋରୋନା ଭାଇରସ ଯୋଗୁ ସମଗ୍ର ଦେଶକୁ ଲକ୍ ଡାଉନ ଘୋଷଣା କରାଯାଇଥିବା ବେଳେ ସେମାନଙ୍କ କାମ ବନ୍ଦ ହୋଇଛି ।