ବାଲେଶ୍ବର: ବିଦ୍ୟୁତ ଆଘାତରେ ଜଣେ କୋଇଲା ଶ୍ରମିକ ଗୁରୁତର । ବାଲେଶ୍ବର ଜିଲ୍ଲା ଖନ୍ତାପଡା ରେଳ ଷ୍ଟେସନରେ ଘଟିଛି ଏହି ଅଘଟଣ । ଏନେଇ ସେଠାରେ ଥିବା ଅନ୍ୟ ଶ୍ରମିକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଥିବା ବେଳେ ସେମାନେ ରେଳରୋକ କରିବା ସହ ଧାରଣାରେ ବସିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ମିଳିଥିବା ସୂଚନା ଅନୁସାରେ, ବାଲେଶ୍ବର ଜିଲ୍ଲା ଖନ୍ତାପଡ଼ା ରେଳ ଷ୍ଟେସନରେ କୋଇଲା ଗାଡି ଲାଗିବା ପରେ ଷ୍ଟେସନ ମାଷ୍ଟର ବିଦ୍ୟୁତ କଟା ଯାଇଥିବା ଶ୍ରମିକମାନଙ୍କୁ ସୂଚନା ଦେଇଥିଲେ । ଶ୍ରମିକମାନେ କୋଇଲା ଅନଲୋଡିଙ୍ଗ ପାଇଁ ଟ୍ରେନ ଉପରକୁ ଉଠିଥିଲେ । ମାତ୍ର ଟ୍ରେନ ଉପରକୁ ଉଠିବା ପରେ ଶ୍ରମିକ ଉମେଶ ମଲ୍ଲିକ ବିଦ୍ୟୁତ ତାର ସଂସ୍ପର୍ଶରେ ଆସି ତଳକୁ ଖସି ପଡ଼ିଥିଲେ ।