ବାଲେଶ୍ବର: ଜିଲ୍ଲା ଶାଖା ଭାରତୀୟ ମଜଦୁର ସଂଘର ଏକ ଶ୍ରମିକ ସମାବେଶ ଅନୁଷ୍ଠିତ ହୋଇଯାଇଛି । ଜିଲ୍ଲାର ବିଭିନ୍ନ ଅଞ୍ଚଳରୁ ଶ୍ରମିକମାନେ ଯୋଗଦେଇ ସେମାନଙ୍କ ହକ୍ ସଂପର୍କରେ ଆଲୋଚନା କରିଥିଲେ । ଏମିତିକି ଆଗାମୀ ନିର୍ବାଚନରେ ରାଜ୍ୟ ସରକାର ପରିବର୍ତ୍ତନ ହେବା ଦରକାର ବୋଲି ଆହ୍ୱାନ ମଧ୍ୟ ଦିଆଯାଇଥିଲା।
ଏହି ସମାବେଶରେ ବିଜେପିର ବାଲେଶ୍ବର ସାଂସଦ ପ୍ରାର୍ଥୀ ପ୍ରତାପଚନ୍ଦ୍ର ଷଡ଼ଙ୍ଗୀ ଯୋଗଦେଇ ରାଜ୍ୟ ସରକାରଙ୍କ ଉପରେ ବର୍ଷିଥିଲେ। ଶ୍ରମିକମାନେ ଆଜିର ଦିନରେ ସେମାନଙ୍କ ପାରିଶ୍ରମିକ ପାଇ ପାରୁନାହାଁନ୍ତି । ଦେଶ ଏବେ ପୁଞ୍ଜିପତିଙ୍କ କବଳରେ ରହିଥିବାରୁ ଶ୍ରମିକମାନେ ଅବହେଳିତ ହୋଇ ରହିଯାଉଛନ୍ତି ବୋଲି ସେ ଅଭିଯୋଗ କରିଥିଲେ।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର