ବାଲେଶ୍ବର: ଫକୀର ମୋହନ ମେଡିକାଲ କଲେଜକୁ ପୁଣି ୧୦୦ ସିଟ ପାଇଁ ମେଡିକାଲ କାଉନସିଲ ଅଫ୍ ଇଣ୍ଡିଆ (ଏମସିଆଇ) ପକ୍ଷରୁ ଅନୁମତି ମିଳିଛି । ଏନେଇ ବାଲେଶ୍ୱରର ଛାତ୍ରଛାତ୍ରୀମାନଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ଚଳିତ ଥର ନିଟ ପରୀକ୍ଷାରେ କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀମାନେ ବାଲେଶ୍ୱର ମେଡିକାଲ କଲେଜରେ ନାମ ଲେଖାଇବା ପାଇଁ ବେଶ ଆଶାବାଦୀ ଥିବା ଜଣାପଡ଼ିଛି ।
ଭିଡିଓ ସୌଜନ୍ୟ : ସମ୍ବାଦଦାତା,ବାଲେଶ୍ବର
ଜିଲ୍ଲାର ବିଭିନ୍ନ କଲେଜରୁ ନିଟ ପରୀକ୍ଷା ଦେଇଥିବା ଛାତ୍ରଛାତ୍ରୀମାନଙ୍କ ମଧ୍ୟରେ ମେଡିକାଲ ପାଠ ପଢ଼ିବା ପାଇଁ ଆଗ୍ରହ ଦେଖିବାକୁ ମିଳିଛି । ଫକୀର ମୋହନ ଜୁନିୟର କଲେଜରେ ୧୦୦ ଛାତ୍ରଛାତ୍ରୀ ନିଟ ପରୀକ୍ଷାରେ ଭଲ ଫଳ ପାଇଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ ଶିବମ ପାଢ଼ୀ ୫୪୭ ମାନ୍ୟତା ହାସଲ କରିଛନ୍ତି । ସେ ମେଡିକାଲ ପଢ଼ିବା ପାଇଁ ଇଚ୍ଛା ରଖିଛନ୍ତି ।