ବାଲେଶ୍ବର: ସରକାରୀ ଗାଡ଼ିକୁ ବ୍ୟକ୍ତିଗତ କାର୍ଯ୍ୟରେ ବ୍ୟବହାର କରୁଛନ୍ତି ସରକାରୀ ବାବୁ ! ବାଲେଶ୍ବର ଜିଲ୍ଲା ସିମୁଳିଆ ଅତିରିକ୍ତ ତହସିଲଦାର ଭୀମକାନ୍ତ ମାଝୀ ତହସିଲ ଗାଡ଼ିରେ ତାଙ୍କ ପରିବାର ନେଇ ମନ୍ଦିର ଯିବା ଘଟଣାର ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ଏହାପରେ ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ହୋଇଛି ।
ସରକାରୀ ଗାଡ଼ିର ବ୍ୟକ୍ତିଗତ ବ୍ୟବହାର: ପରିବାର ନେଇ ବୁଲୁଛନ୍ତି ସରକାରୀ ବାବୁ, ଭିଡିଓ ଭାଇରାଲ
ମିଳିଥିବା ସୂଚନା ଅନୁସାରେ, ବାଲେଶ୍ବର ଜିଲ୍ଲା ସିମୁଳିଆ ତହସିଲରେ ଅତିରିକ୍ତ ତହସିଲଦାର ଭାବରେ କାର୍ଯ୍ୟରତ ଅଛନ୍ତି ଭୀମକାନ୍ତ ମାଝୀ । ତେବେ ଭୀମକାନ୍ତଙ୍କୁ ମିଳିଥିବା ତହସିଲ ଗାଡ଼ିରେ ସେ ତାଙ୍କ ପରିବାରକୁ ନେଇ କୌଣସି ମନ୍ଦିରକୁ ଯାଇଥିଲେ । ଏହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଘୁରି ବୁଲୁଛି । ତେବେ ସରକାରୀ ଗାଡି କେବଳ ସରକାରୀ କାର୍ଯ୍ୟରେ ନିୟୋଜିତ ହେବା କଥା, କିନ୍ତୁ ସରକାରୀ ବାବୁ ଏହାର ବ୍ୟବହାର ବ୍ୟକ୍ତିଗତ ଭାବେ କରିବା ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି ।