ଅବକାରୀ ବିଭାଗର ଅଚାନକ ଚଢାଉ, 15 କେଜି ଗଞ୍ଜେଇ ଜବତ

ବାଲେଶ୍ବର ଜିଲ୍ଲା ଅବକାରୀ ମୋବାଇଲ ୟୁନିଟର ଅଚାନକ ଚଢାଉ । ସୋର ପୋଲିସ ସହାୟତାରେ ଚଢାଉ କରିଥିଲା ବିଭାଗ । 15 କେଜି ଗଞ୍ଜେଇ ଜବତ କରିବା ସହ ଜଣେ ବେପାରୀକୁ ଗିରଫ କରିଛି ଅବକାରୀ ବିଭାଗ ।

ବାଲେଶ୍ବର: ଜିଲ୍ଲା ଅବକାରୀ ମୋବାଇଲ ୟୁନିଟ୍ ପକ୍ଷରୁ ଖନ୍ତାପଡା ଥାନା ଅଧୀନ ଫତେପୁର ଯୁଣିଆ ଗାଁରେ ଚଢ଼ାଉ କରାଯାଇ ଗଞ୍ଜେଇ ଜବତ ସହ ଜଣଙ୍କୁ ଗିରଫ କରାଯାଇଛି।

ଶନିବାର ଭୋର ସମୟରେ ଜିଲ୍ଲା ଅବକାରୀ ମୋବାଇଲ ୟୁନିଟ୍ ଓ ସୋର ପୋଲିସ ସହାୟତାରେ ଚଢ଼ାଉ କରାଯାଇଥିଲା । ସ୍ଥାନୀୟ ଅଞ୍ଚଳରେ ଅଶୋକ କୁମାର ନାୟକ ନାମକ ଜଣେ ବ୍ୟକ୍ତି ଦୋକାନ କରିଥିବା ବେଳେ ସେଠାରେ ସେ ଗଞ୍ଜେଇ ବିକ୍ରି କରୁଥିବା ଅଭିଯୋଗ ହୋଇଥିଲା।

ଅଶୋକ ନିଜ ଦୋକାନକୁ ଗଞ୍ଜେଇ ନେଉଥିବା ବେଳେ ଅବକାରୀ ବିଭାଗ ତାଙ୍କୁ କାବୁ କରିଥିଲା। ତାଙ୍କ ନିକଟରୁ 15 କେଜି ଗଞ୍ଜେଇ ଜବତ କରିଥିଲା ବିଭାଗ । ଯାହାର ଆନୁମାନିକ ମୂଲ୍ୟ ପାଖାପାଖି 90 ହଜାର ଟଙ୍କା ବୋଲି ଜଣାପଡିଛି ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ