ବାଲେଶ୍ଵର: ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଆଜି ଦୁଇଜଣ ବିଦେଶୀ ଭକ୍ତଙ୍କୁ ଦେଖିବାକୁ ମିଳିଥିଲା। ସେମାନଙ୍କ ପାଖକୁ ଯାଇ ସମସ୍ତ କଥା ବୁଝିବା ପରେ ଜଣାପଡିଥିଲା ଯେ ସେମାନେ ଆଉ ସେମାନଙ୍କ ଦେଶକୁ ଫେରିବାକୁ ଚାହୁଁନାହାନ୍ତି। ବରଂ ରେମୁଣା ଅଞ୍ଚଳରେ ଥିବା ମାଧବେନ୍ଦ୍ର ପୁରୀ ମଠରେ ରହି କ୍ଷୀରଚୋରା ଗୋପୀନାଥଙ୍କ ସେବା କରିବାକୁ ଚାହୁଁଛନ୍ତି।
କୋରୋନା ଲକଡାଉନ ପୂର୍ବରୁ ଋଷିଆରୁ ଭୋରନଭ ସେଗେରାଇ ଓ ଆଣ୍ଡ୍ରି ନୋଭା ତାତିଆନା ରେମୁଣାର କ୍ଷୀରଚୋରା ଗୋପୀନାଥଙ୍କ ମନ୍ଦିର ଆସିଥିଲେ। ପୂର୍ବରୁ ଦୁଇଜଣ 5 ଥରରୁ ଅଧିକ ଥର ଆସିଥିବା ବେଳେ ଏଥର କୋରୋନା ଲକଡାଉନ ଯୋଗୁଁ ଆଉ ସେମାନଙ୍କ ଦେଶକୁ ଫେରି ପାରି ନଥିଲେ। ଅପରପକ୍ଷେ ସେମାନଙ୍କ ଭିସାର ବୈଧତା ସରି ଯାଇଥିବାରୁ ରେମୁଣାର ଘର ମାଲିକ ସେମାନଙ୍କୁ ରଖିବା ପାଇଁ ନାରାଜ ହେଉଛନ୍ତି।