ପୋଖରୀରୁ ଚାଷୀଙ୍କ ମୃତଦେହ ଉଦ୍ଧାର

ଗତ ମଙ୍ଗଳବାର ବାଲିମୁଣ୍ଡୁଳି ଗାଁର ଡୁବୁଲିଆ ସିଂ ହଳ କରିବାକୁ ଯାଇ ନିଖୋଜ ଥିବାବେଳେ ଗତକାଲି ବିଳମ୍ବିତ ରାତିରେ ପୋଖରୀରୁ ତାଙ୍କ ମୃତଦେହ ଉଦ୍ଧାର କରାଯାଇଛି ।

ବାଲେଶ୍ବର: ପୋଖରୀରୁ ଚାଷୀଙ୍କ ମୃତଦେହ ଉଦ୍ଧାର । ଏଭଳି ଘଟଣା ଘଟିଛି ବାଲେଶ୍ବର ଜିଲ୍ଲା ଔପଦା ଅଞ୍ଚଳରେ ।

ସୂଚନା ମୁତାବକ, ଗତ ମଙ୍ଗଳବାର ବାଲିମୁଣ୍ଡୁଳି ଗାଁର ଡୁବୁଲିଆ ସିଂ ହଳ କରିବାକୁ ଯାଇ ନିଖୋଜ ହୋଇଯାଇଥିଲେ । ଏହାପରେ ପରିବାର ଲୋକେ ଖୋଜାଖୋଜି କରିବା ପରେ ବିଳମ୍ବିତ ରାତି ୩ଟା ସମୟରେ ଗାଁ ପୋଖରୀରୁ ଡୁବୁଲିଆଙ୍କ ଶବ ଦେଖି ଉଦ୍ଧାର କରିଥିଲେ ।

ଏହାପରେ ଔପଦା ପୋଲିସକୁ ଖବର ଦେବା ପରେ ପୋଲିସ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ସୋର ଡାକ୍ତରଖାନକୁ ପଠାଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ