ବାଲେଶ୍ବରରେ ହାତୀ ଉପଦ୍ରବ

ବାଲେଶ୍ବର ଜିଲ୍ଲା ନୀଳଗିରି ଅଞ୍ଚଳରେ ପୁଣି ହାତୀ ଉପଦ୍ରବ । ବ୍ୟାପକ ଫସଲ ନଷ୍ଟ ଅଭିଯୋଗ ।

ବାଲେଶ୍ବର: ଜିଲ୍ଲା ନୀଳଗିରି ଅଞ୍ଚଳରେ ପୁଣି ହାତୀ ଉପଦ୍ରବ ଦେଖିବାକୁ ମିଳିଛି । ହାତୀପଲ ଚାଷ ଜମିରେ ପଶି ବ୍ୟାପକ ଫସଲ ନଷ୍ଟ କରିଥିବା ଅଭିଯୋଗ ହୋଇଛି । ଦିନକୁ ଦିନ ବଢି ଚାଲିଛି କୂଳଡିହା ହାତୀଙ୍କ ଉତ୍ପାତ ।

ସେହିପରି ଗତକାଲି(ସୋମବାର) ବିଳମ୍ବିତ ରାତିରେ ଛୋଟ କାନପୁର ଗାଁର ପଦ୍ମନାଭ ପ୍ରଧାନଙ୍କ ଘର ଭାଙ୍ଗିଛନ୍ତି ହାତୀପଲ । ଘରର କାନ୍ଥ ପଡି ପଦ୍ମନାଭଙ୍କର ତିନି ଗୋରୁ ଆହତ ହୋଇଥିବା ଅଭିଯୋଗ ହୋଇଛି । ସେହିପରି ଆଜି(ମଙ୍ଗଳବାର) ସକାଳେ ଗ୍ରାମ ନିକଟସ୍ଥ ଚାଷ ଜମିରେ ପଶି ବ୍ୟାପକ କ୍ଷୟକ୍ଷତି କରିଛନ୍ତି । ଫଳରେ ଏବେ ଭୟଭୀତ ଅବସ୍ଥାରେ ଗ୍ରାମବାସୀ ରହିଥିବା ବେଳେ ବନ ବିଭାଗ କୌଣସି ପଦକ୍ଷେପ ନେଉନଥିବା ଅଭିଯୋଗ ହୋଇଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ