ପୋଖରୀରୁ ମିଳିଲା ମହିଳାଙ୍କ ମୃତଦେହ, ହତ୍ୟା ଅଭିଯୋଗ

ବାଲେଶ୍ବର ରସାଳପୁର ପଞ୍ଚାୟତ ଭୀମପୁର ଗାଁରେ ପୋଖରୀରୁ ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଛି । ଅଧିକ ପଢନ୍ତୁ..

ବାଲେଶ୍ବର: ଜିଲ୍ଲା ସଦର ଥାନା ଅଧିନ ରସାଳପୁର ପଞ୍ଚାୟତ ଭୀମପୁର ଗାଁରେ ଜଣେ ମହିଳାଙ୍କ ମୃତଦେହ ପୋଖରୀରୁ ଉଦ୍ଧାର କରାଯାଇଛି । ମହିଳାଙ୍କୁ ହତ୍ୟା କରାଯାଇ ପୋଖରୀରେ ଫିଙ୍ଗା ଯାଇଥିବା ଅଭିଯୋଗ ହୋଇଛି।

ସୂଚନାଯାୟୀ, ଭୀମପୁର ମହାଜନ ସାହିର ମାଧମ ସ ଙ୍କ ପୁଅ ଗୌରାଙ୍ଗ ସ, ସୁରେନ୍ଦ୍ର ଓଝାଙ୍କ ଝିଅ ଅମ୍ବିକାଙ୍କୁ 7ମାସ ପୂର୍ବେ ବୈଦିକ ରୀତିରେ ବିବାହ କରିଥିଲେ। ସକାଳେ ଗ୍ରାମର କିଛି ଲୋକ ପୋଖରୀରେ ଅମ୍ବିକାଙ୍କ ମୃତଦେହ ଭାସୁଥିବା ଦେଖି ପୋଲିସକୁ ଖବର ଦେଇଥିଲେ।

ପୋଖରୀରୁ ମୃତଦେହ ଉଦ୍ଧାର କରାଯାଇଥିବା ବେଳେ ଜୟଦେବ କସବା ଫାଣ୍ଡି ପୋଲିସ ଘଟଣାସ୍ଥଳରେ ତଦନ୍ତ ଆରମ୍ଭ କରିଛି। ଅନ୍ୟପଟେ ମହିଳାଙ୍କ ବାପା ସୁରେନ୍ଦ୍ର ଥାନାରେ ହତ୍ୟା ଅଭିଯୋଗ କରିଛନ୍ତି। ପୋଲିସ ଏନେଇ 3ଜଣଙ୍କୁ ଅଟକ ରଖିଥିବା ଜଣାପଡିଛି। ମହିଳାଙ୍କ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ପାରିବାରିକ କଳହରୁ ହତ୍ୟାକାଣ୍ଡ ହୋଇଥିବା ସନ୍ଦେହ କରାଯାଉଛି।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ