ପୁଣି ଅବମାନନା, ରାତିସାରା ଉଡିଲା ଜାତୀୟ ପତାକା

ବାଲେଶ୍ବର ଜିଲ୍ଲା ବାଲିଆପାଳ ବ୍ଳକ ଶରଡିହା ପ୍ରାଥମିକ ବିଦ୍ୟାଳୟରେ ଜାତୀୟ ପତାକାକୁ ଅବମାନନା । ରାତି ସାରା ଉଡିଲା ଜାତୀୟ ପତାକା ।

ବାଲେଶ୍ବର: ଜାତୀୟ ପତାକାକୁ ଅବଜ୍ଞା । ସ୍ବାଧୀନତା ଦିବସରେ ଏପରି ଅନେକ ଦୃଶ୍ୟ ସମ୍ନାକୁ ଆସିଥାଏ । କେତେବେଳେ ପତାକା ତଳେ ପଡିଥାଏ ତ କେତେବେଳେ ଓଲଟା ଉଡୁଥିବାର ଦେଖିବାକୁ ମିଳେ ।ବାଲିଆପାଳ ବ୍ଳକ ଶରଡିହା ପ୍ରାଥମିକ ବିଦ୍ୟାଳୟରେ ଜାତୀୟ ପତାକା ଅବମାନନା ଘଟଣା ସାମ୍ନାକୁ ଆସିଛି। ସ୍ୱାଧୀନତା ଦିବସରେ ପତାକା ଉତ୍ତୋଳନ କରି ଅବତରଣ ପାଇଁ ଭୁଲି ଯାଇଥିବା ଦେଖିବାକୁ ମିଳିଛି ।

ଗୁରୁବାର ସକାଳଠାରୁ ଆଜି ସକାଳ ଯାଏ ପତାକା ସ୍କୁଲ ପରିସରରେ ଉଡୁଥିବା ଦେଖିବାକୁ ମିଳିଥିଲା । ସ୍କୁଲର ପ୍ରଧାନ ଶିକ୍ଷକଙ୍କ ଏପରି କାର୍ଯ୍ୟକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି ସ୍ଥାନୀୟ ବୁଦ୍ଧିଜୀବୀ ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ