ବାଲେଶ୍ୱର: ଷ୍ଟେସନ ପରିସରରୁ ଉଚ୍ଛେଦ ଦୋକାନୀ କରିବେ ରେଳରୋକ । ବାଲେଶ୍ୱର ରେଳଷ୍ଟେସନ ପରିସରରୁ ଛୋଟଛୋଟ ଦୋକାନୀ ଉଚ୍ଛେଦ କରିବା ଓ ଥଇଥାନ ନ କରିବା ପ୍ରତିବାଦରେ ଆଗାମୀ ନିର୍ବାଚନ ପରେ ରେଳରୋକ କରିବେ ବୋଲି ଚେତାବନୀ ଦେଇଛନ୍ତି। ଏନେଇ ଆଜି ସିଟୁ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ ଡାକି ଏହି ନିଷ୍ପତ୍ତି ନେଇଥିବା କୁହାଯାଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁଯାୟୀ, 2008 ମସିହାରେ ଦୋକାନୀଙ୍କୁ ଉଚ୍ଛେଦ କରି ରେଳ ବିଭାଗ ପୁନଃସ୍ଥାପନ କରିଥିଲେ। ତେବେ ଷ୍ଟେସନ ପରିସରରେ ବ୍ୟବସାୟ କରିବା ପାଇଁ ରେଳ ବିଭାଗ ଦୋକାନୀଙ୍କ ପାଖରୁ 2010ରୁ ଅର୍ଥ ନେଉଥିଲେ। ମାତ୍ର ଗତ ମାର୍ଚ୍ଚ ମାସ 7 ତାରିଖରେ ଷ୍ଟେସନ ପରିସର ସୌନ୍ଦର୍ଯ୍ୟକରଣ କରିବା ପାଇଁ ଉକ୍ତ ଦୋକାନୀଙ୍କୁ ରେଳ ବିଭାଗ ଉଚ୍ଛେଦ କରିଥିଲା। ତେବେ ଦୀର୍ଘ ବର୍ଷ ଧରି ଚା, ପାନ ଦୋକାନ କରି ପରିବାର ପ୍ରତିପୋଷଣ କରି ଆସୁଥିବା ଦୋକାନୀଙ୍କ ଜୀବିକା ଉଚ୍ଛେଦ କରାଯାଇଥିବା ନେଇ ଦୋକାନୀମାନେ ଅଭିଯୋଗ କରିଛନ୍ତି ।