ବାଲେଶ୍ଵର: ସହଦେବଖୁଣ୍ଟା ପୋଲିସ ଦ୍ବାରା ଚଢାଉ କରାଯାଇ ବିପୁଳ ବ୍ରାଉନସୁଗାର ଜବତ କରିବା ସହ ଏକ ଟଙ୍କା ବ୍ୟାଗ ଓ ଜଣେ ବେପାରୀଙ୍କୁ ଗିରଫ କରାଯାଇଛି । ପୋଲିସ ସୂତ୍ରରୁ ପ୍ରକାଶ ଯେ, ଅରଡ଼ବଜାର ଅଞ୍ଚଳର ବ୍ରାଉନସୁଗାର ମାଫିଆ ଶେଖ ରାଜା ଗତବର୍ଷ ଗିରଫ ହୋଇଥିଲା । ରାଜାର ସହଯୋଗୀ ତଥା ଭିଣୋଇ ୱାସିଦ ଖାନା ଓରଫ୍ ମୁନା ବ୍ରାଉନସୁଗାର କାରବାର କରି ଆସୁଥିଲା । ରବିବାର ମୁନା ବ୍ରାଉନସୁଗାର ବାହାରକୁ ଚାଲାଣ କରିବା ସମ୍ପର୍କରେ ପୋଲିସ ଖବର ପାଇଥିଲା ।
6 ଲକ୍ଷ ଟଙ୍କାର ବ୍ରାଉନସୁଗାର ଜବତ, ବେପାରୀ ଗିରଫ ସିଟି ଡିଏସପି ମନୋଜ କୁମାର ରାଉତଙ୍କ ନେତୃତ୍ବରେ ଏକ ଟିମ୍ ମୁନା ଘରେ ଚଢ଼ାଉ କରିଥିଲା ତେବେ ଚଢ଼ାଉ ବେଳେ ମୁନାର ସହଯୋଗୀ କାର୍ତ୍ତିକ ଦାସ ଓରଫ୍ ବାପୁନ ପାଚେରୀ ଡେଇଁ ଫେରାର ହୋଇଯାଇଥିଲା । ପୋଲିସ ମୁନାକୁ ଗିରଫ କରିବା ସହ ଟଙ୍କା ଭର୍ତ୍ତି ବ୍ୟାଗ ଓ ବ୍ରାଉନସୁଗାର ଜବତ କରିଛି । ପୋଲିସ 65 ଗ୍ରାମର ବ୍ରାଉନସୁଗାର ଓ 23 ଲକ୍ଷ 58 ହଜାର 250 ଟଙ୍କା ଜବତ କରି ଅଧିକ ତଦନ୍ତ ଚଳାଇଛି । ବ୍ରାଉନସୁଗାରର ମୂଲ୍ୟ 6ଲକ୍ଷ 50 ହଜାର ଟଙ୍କା ହେବ ବୋଲି ପୋଲିସ କହିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
