ବାଲେଶ୍ବର: ସୋର ଥାନା ଅନ୍ତର୍ଗତ ବହାନଗା ବଜାରରେ ଜଣେ ଯୁବକର ଝୁଲନ୍ତା ମୃତଦେହ ଉଦ୍ଧାର । ଯୁବକ ଜଣକ ହେଲେ ନୀଳଗିରି ଥାନା କାହାଳିଆ ଗାଁର ସୁମନ୍ତ ବିନ୍ଧାଣି । ଛାତର ଉପର ତାଲାକୁ ଯିବାପାଇଁ ଥିବା ଏକ ଲୁହା ସିଡିରେ ସୁମନ୍ତଙ୍କୁ ବେକରେ ଗାମୁଛା ଲଗାଇ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନାଅନୁସାରେ, ସୁମନ୍ତ ବିନ୍ଧାଣି ଆଜକୁ ଆଠ ବର୍ଷ ଧରି ବାହାନଗା ବଜାରରେ ଥିବା ତାରିଣୀ ସାଇକେଲ ଦୋକାନରେ ମିସ୍ତ୍ରୀ ଭାବେ କାମ କରୁଥିଲେ । କିଛିଦିନ ତଳେ ସାଇକେଲ ଦୋକାନର ମାଲିକ ଶ୍ରୀନିବାସ ବେହେରାଙ୍କ ସହିତ ସୁମନ୍ତଙ୍କର ଝଗଡା ହୋଇଥିଲା । ଏହାକୁ ନେଇ ସୁମନ୍ତ କାମ ଛାଡି ଘରକୁ ପଳେଇଥିଲେ । ସୁମନ୍ତଙ୍କୁ ଘରୁ ବୁଝାସୁଝା କରି ଶ୍ରୀନିବାସ ଆଣି ପୁଣି କାମରେ ରଖିଥିଲେ ।