ବାଲେଶ୍ୱର: ଟିକେଟ୍ ବଣ୍ଟାକୁ ନେଇ କଂଗ୍ରେସରେ ତେଜୁଛି ଆନ୍ଦୋଳନ । ଦଳ ମଧ୍ୟରେ ଚାଲିଥିବା ଅସନ୍ତୋଷ ପଦାରେ ପଡି ହାଟରେ ଗଡିଲାଣି । ଜଳେଶ୍ୱର ନିର୍ବାଚନ ମଣ୍ଡଳୀରେ କଂଗ୍ରେସ ଟିକେଟ୍ ବଣ୍ଟାକୁ ନେଇ ଲାଗି ରହିଥିବା ଅସନ୍ତୋଷ ଏବେ ବିଦ୍ରୋହର ରୂପ ନେଇଛି । ଜଳେଶ୍ୱର ନିର୍ବାଚନ ମଣ୍ଡଳ ପାଇଁ ଦଳ ସୁଦର୍ଶନ ଦାସଙ୍କୁ ଟିକେଟ୍ ଦେବା ପରେ ଦଳୀୟ କନ୍ଦଳ ସାମ୍ନାକୁ ଆସିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୁଦର୍ଶନ ଦାସ ଟିକେଟ ପାଇବାକୁ ନେଇ ଶନିବାର ଜଳେଶ୍ୱରରେକିଛି କଂଗ୍ରେସ କର୍ମୀ ଜୋରଦାର ବିରୋଧ କରିଥିଲେ, ଯାହା ଫଳରେ ଏଆଇସିସି ସଦସ୍ୟଙ୍କୁ ହଟହଟା ହେବାକୁ ପଡ଼ିଥିଲା । ମାତ୍ର ଆଜି ପୁଣି ଜଳେଶ୍ୱରବ୍ଲକର ରାଜପୁର ପଞ୍ଚାୟତରେ ସୁଦର୍ଶନଙ୍କ ବିରୋଧରେ ଅସନ୍ତୁଷ୍ଟ କଂଗ୍ରେସ କର୍ମୀ ମେଳି ବାନ୍ଧିଥିବା ଦେଖିବାକୁ ମିଳିଥିଲା ।